अस्ट्रेलिया र श्रीलंकाबीचको तेस्रो टी२० म्याचमा मंगलवार अस्ट्रेलियाका बलर मिचेल स्टार्कले निकै खराब बल फ्याँकेका छन् । 

६ विकेटले उक्त म्याच अस्ट्रेलियाले जितेको भए पनि स्टार्कले निकै खराब बलिङ गरे अनि कुनै विकेट लिन सकेनन् । उनले आफ्नो चार ओभरमा ३० रन दिए । 

अझ १८औं ओभरमा उनले फ्याँकेको बल त हास्यास्पद नै थियो । 

त्यतिखेर दासुन शनाकाले ब्याटिङ गरिरहेका थिए । उनी अन्तिम ओभरहरूतिर हतारहतार रन बनाउन खोज्दैथिए । 

स्टार्कले ओभरको पाँचौं बल ओभर द विकेट फ्याँके । उनी फास्ट बलर हुन् तर ब्याट्स्म्यानलाई झ्क्याउन उनले स्लो बल फ्याँके । त्यसक्रममा बल उनको हातबाट चिप्लियो र विकेटकीपर म्याथ्यु वेडको पहुँचबाट पनि टाढा पुग्यो । 

बललाई वेडले समात्नै नसक्ने स्थिति थियो । अस्ट्रेलिउालाई यस बलबाट ४ वटा बाई रन प्राप्त भयो । अनि त्यसलाई नो बलको संज्ञा पनि दिइयो । 

यसले अस्ट्रेलियालाई धेरै घाटा त गराएन किनकि श्रीलंकाका ब्याट्स्म्यानहरूले रन बनाउन संघर्ष गरिरहेका थिए । 

यो विचित्रको बलिङ देखेर कमेन्टेटरहरू पनि मज्जैलै हाँसे । वेडको अनुहारमा पनि मुस्कान देखियो । 

यस म्याचमा जीतसँगै अस्ट्रेलियाले शृंखला पनि जितेको छ । शृंखलामा दुई म्याच अझै बाँकी छन् । 
 

"I don't think I've ever seen a ball go that wide!"

Matthew Wade had no chance with that one! #AUSvSL pic.twitter.com/MjC8sCvYtk

— cricket.com.au (@cricketcomau) February 15, 2022