नेपाल बार एशोसिएशनको २६औं केन्द्रीय कार्यसमितिको निर्वाचन लागि शनिवार मतदान सम्पन्न भए पनि मतपेटिका आउने क्रम जारी भएकाले मतगणना शुरू हुन सकेको छैन ।
 
नेपाल बार एशोसिएशन २०७८ का प्रमुख निर्वाचन अधिृकत वरिष्ठ अधिवक्ता उषा मल्ल पाठकका अनुसार मतपेटिका आउने क्रम जारी छ ।

आइतवार साँझसम्म मतपेटिका आइपुग्यो भने सोमवारदेखि मतगणना हुने बताइएको छ । उदयपुर, धनकुटा र राजविराज मतदान केन्द्रबाट मतपेटिका आउन बाँकी छ ।
 
उपत्यकाको काठमाडौं केन्द्रसहित देशभर ३५ केन्दबाट मतदान भएको थियो । काठमाडौं केन्द्रमा ७१ प्रतिशतको हाराहारीमा मत खसेको छ । बारमा अध्यक्षसहित ११ पदाधिकारी र सदस्य गरी २५ जनाको कार्यसमितिका लागि भएको निर्वाचनमा ९ हजार ७०८ मतदाता रहेका छन् । त्यसमध्ये उपत्यकामा ५ हजार ७०० र उपत्यकाबाहिर ३ हजार ५०० रहेका छन् ।