गुल्मीको मुसिकोट नगरपालिकामा नेकपा एमालेले जीवन खरेललाई नगर प्रमुखको उम्मेदवार बनाउने भएको छ । बिहीवार वामीटक्सारमा बसेको  एमाले मुसिकोट नगर कमिटीको बैठकले सर्वसम्मत रुपमा खरेललाई नगर प्रमुखको उम्मेदवार बनाउने सिफारिस गरेको हो ।

नेकपा एमाले मुसिकोट नगर कमिटी अध्यक्ष प्रकाश काफ्लेले सर्बसम्मत रुपमा खरेललाई अगाडि बढाउने निणय भएको जानकारी दिए । खरेल नेकपा एमाले जिल्ला कमिटी सदस्य तथा मुसिकोट नगरपालिका इन्चार्ज समेत हुन् । 
उपप्रमुख पदमा भने कमला शर्मा, सीता भुसाल, गंगा श्रेष्ठको नाम सिफारिस भएको छ । नगरपालिकामा अन्य पार्टीले भने उम्मेदवार छनोट गरेका छैनन् । मुसिकोट नगरपालिकामा २०७४ सालको स्थानीय तह निर्वाचनमा नेकपा एमालेले अध्यक्ष र उपाध्यक्ष जितेको थियो । १२ स्थानीय तह रहेको गुल्मीमा २ नगरपालिका छन् ।