'क्याम्प टु’ आरोहणका लागि बाटो निर्माण

सर्वोच्च  शिखर  सगरमाथा  आरोहणका लागि बाटो निर्माणको काम सम्पन्न भएको छ  ।

सगरमाथा  प्रदूषण  नियन्त्रण  समिति  नाम्चेकाको  आयोजनामा  छ  जना  आइसफल  डाक्टरसहित  नौ  जनाको  टोलीले  सगरमाथा  आधार  शिविरबाट  निर्माण  सुरु गरेको आरोहणको बाटो सम्पन्न गरेको हो

'स्प्रिङ’  सिजनको  सगरमाथा  आरोहणको  समय  सुरु  भएपछि  आइसफल  डाक्टरको  टोलीले  चैतको  दोस्रो  साताबाट  बाटो  निर्माण  थालेका  थिए  ।

हिउँमा  बाटो  बनाउने  अनुभवी  र  दक्ष  व्यक्तिलाई  आइसफल  डाक्टर  भन्ने  गरिन्छ  ।  

आङसर्की  शेर्पाको  नेतृत्वमा  निर्माण  सकिएको  सगरमाथा  प्रदूषण  नियन्त्रण  समिति  (एसपीसीसी)  नाम्चेकी  सूचना  अधिकारी  याङ्जीडोमा  शेर्पाले जानकारी दिए।

वर्षौंअघिदेखि सगरमाथाको बाटो  बनाउने  काम  सरकारले  एसपीसीसीलाई  जिम्मा  दिने गरेको छ । हरेक  वर्ष  हिउँ  परेर  बिग्रिएको  पुरानो  बाटो  पहिल्याउँदै नयाँ बाटो निर्माण गर्ने गरिन्छ ।

आइसफल डाक्टरहरूले    आल्मुनियमका    भर्‍याङ    जोडेर    सगरमाथाको  चुचुरोसम्म  पुग्ने  बाटो  निर्माण  गर्नेछन्  ।  

आइसफलदेखि  क्याम्प–२  सम्म  खर्पसमा  हिउँ  जम्मा  भएको  बाटो  सफा  गर्ने,  डोरी  टाँग्ने  र  भर्‍याङ  राख्ने  काम  गरेपछि  मात्र  आरोही  सगरमाथाको  चुचुरोसम्म  पुग्न  सक्छन्  ।  

पाँच  हजार  ३६४  मिटर  उचाइमा  रहेको  सगरमाथा  आधार  शिविरबाट  छ  हजार  चार  सय  मिटर  उचाइको  क्याम्प–२  सम्म  दर्जनौँ  साना  ठूला  हिमखाल्डा  रहेका  छन्  ।

क्याम्प  दुईभन्दा  तल  धेरै  खाल्डा  भएकाले  बाटो  बनाउने  धेरै  काम  त्यहाँ  गर्नुपर्छ  ।  क्याम्प–२  माथि  हिमखाल्डा  खासै  छैनन्  ।  क्याम्प–२  भन्दा  माथिका  लागि  बाटो  खोल्ने  तथा  डोरी  बाँध्ने  काम  आरोहण  टोलीका  प्राविधिकहरूले  आरोहणकै समयमा गर्छन् ।  गोरखापत्र दैनिकमा सन्तोष राउतले खबर लेखेका छन् ।