भारतीय प्रधानमन्त्री नरेन्द्र मोदीले युद्धरत रुस र युक्रेनका राष्ट्रपतिसँग कैयन पटक टेलिफोन वार्ता गरेको बताएका छन्। भारतीय प्रधानमन्त्री कार्यालयले टेलिफोन वार्ताका क्रममा मोदीले रुसी राष्ट्रपति भ्लादिमिर पुटिनलाई युक्रेनका राष्ट्रपतिसँग सिधा वार्ता गर्न पनि सुझाव दिएको ट्वीटरमार्फत जानकारी दिएको छ । 

टेलिफोन वार्ताका क्रममा मोदीले दुबै देशका राष्ट्रपतिसँग शान्तिका लागि अपील मात्र नगरी पुटिलाई सिधै युक्रेनका राष्ट्रपतिसँग वार्ता गर्न पनि सुझाव दिएको प्रधानमन्त्री कार्यालयको भनाइ छ । 
‘मैले युक्रेन र रुसका दुबै राष्ट्रपतिसँग कैयन् पटक फोनवार्ता गरेको छु’, मोदीको भनाइ छ,‘मैले शान्तिको लागि अपील मात्रै गरेको छैन पुटिनलाई युक्रेनका राष्ट्रपतिसँग सिधा वार्ता गर्न पनि सुझाव दिएको छु ।’
युक्रेनको विषयमा भारतीय संसदमा पनि निकै छलफल भएको मोदीको भनाइ छ ।