विराटनगरको मेयरमा नेपाली कांग्रेसका नागेश कोइरालाले उम्मेदवारी दर्ता गराएका छन् । गठबन्धनको तर्फबाट उनले मेयरमा उम्मेदवारी दर्ता गराएका हुन् । 

नागेश कांग्रेस नेता डा. शेखर कोइराला निकट हुन् ।

गत निर्वाचनमा विराटनगर कांग्रेसले जितेको थियो । मेयरका लागि सांसद डिला संग्रौलालगायतले आकांक्षा राखेका थिए । अन्तिममा कोइरालाले टिकट पाएका हुन् । 

उपमेयरमा गठबन्धनको तर्फबाट जनता समाजवादी पार्टी (जसपा) नेपालका अध्यक्ष उपेन्द्र यादवका छोरा अमरेन्द्र यादव उम्मेदवार छन् ।