नेपाल एसीसी महिला टी–ट्वान्टी च्याम्पियनसिपको सेमिफाइनलमा प्रवेश गरेको छ ।

मलेसियामा जारी च्याम्पियनसिपको सोमवार भएको खेलमा बहराइनलाई ८ विकेटले हराउँदै नेपाल सेमिफाइनलमा प्रवेश गरेको हो । 

वर्षाका कारण ७ ओभरमा छोट्याइएको खेलमा बहराइनले जम्मा १५ रनको लक्ष्य दिएको थियो । सो लक्ष्य नेपालले ३.४ ओभरमा २ विकेटको क्षतिमा पूरा गरेको थियो । 

पहिले ब्याटिङ गरेको बहराइनले निर्धारित ७ ओभरमा ६ विकेट गुमाएर १४ रन बनाएको थियो ।

नेपालले अब हङकङसँग खेल्नेछ ।