पछिल्ला दिनमा कोरोना संक्रमितको संख्या बढ्न थालेको छ ।

स्वास्थ्य तथा जनसंख्या मन्त्रालयको तथ्यांकअनुसार बिहीवार ४९ जनामा संक्रमण पुष्टि भएको छ । 

बुधवार ३१ जना र मंगलवार १९ जनामा संक्रमण देखिएको थियो । पछिल्लो २४ घण्टामा २ हजार ४९४ नमूना परीक्षण गर्दा ४९ जनामा संक्रमण पुष्टि भएको मन्त्रालयले जनाएको छ । 

सो अवधिमा १२ जना संक्रमणमुक्त भएका छन् । हाल १६३ जना सक्रिय संक्रमित छन् । बिहीवार ८५ हजार ६५७ जनाले कोरोना भाइरस विरुद्धको खोप लगाएका छन् ।

नेपालमा हालसम्म ११ लाख १९ हजार ८६६ जनामा कोरोना संक्रमण पुष्टि भइसकेको छ भने ११ हजार ९५२ जनाको संक्रमणबाट ज्यान गएको छ ।