प्रमुख निर्वाचन आयुक्त दिनेश थपलियाले मंसिर ४ गतेलाई अर्जुन दृष्टि बनाएर काम गर्ने बताएका छन् । 

निर्वाचन आयोगले आयोजना गरेको पत्रकार सम्मेलनमा आगामी निर्वाचन अघि चाडपर्व भएकाले कर्मचारीको खटन–पटनमा केही समस्या हुने भए पनि तोकिएको मितिमा स्वच्छ, भयरहित तथा स्वतन्त्र पूर्वक निर्वाचन गराउन तयार रहेको उनले बताए ।

उनले विगतको निर्वाचनको सिकाइका आधारमा निर्वाचनलाई प्रभावकारी बनाइने बताए ।