राष्ट्रपतिले पुर्नविचारका लागि पठाएको नागरिकता (पहिलो संशोधन) विधेयक २०७९ बिहीवार पारित हुने भएको छ । बिहीवार अपरान्ह बस्ने राष्ट्रिय सभाको बैठकबाट विधेयक पारित गर्ने कार्यसूची छ । 

आजै बसेको पहिलो बैठकमा विधायन व्यवस्थापन समितिको प्रतिवेदन पेश गरिएको थियो । समितिमा पठाउने कर्मकाण्ड पूरा गरे पनि विधेयक जस्ताको तस्तै पारित हुन लागेको हो । 

प्रतिनिधि सभाबाट जस्ताको तस्तै पारित भएको विधेयक राष्ट्रिय सभाबाट पनि हुबहु पारित हुन लागेको हो । राष्ट्रिय सभाबाट पारित भएपछि प्रतिनिधि सभाका सभामुखले प्रमाणीकरण गरेर राष्ट्रपतिकोमा पठाउने छन् ।