संसदीय सुनुवाइ विशेष समितिको सदस्यमा मीन विश्वकर्मा

नेपाली कांग्रेसले संसदीय सुनुवाइ विशेष समितिको रिक्त सदस्यमा सचेतक मीन विश्वकर्मालाई पठाएको छ । पुष्पा भुसाल उपसभामुख निर्वाचित भएपछि रिक्त स्थानमा विश्वकर्मालाई पठाएको हो । 

आइतवार बसेको प्रतिनिधि सभा बैठकमा सभामुख अग्नि सापकोटाले समितिमा हेरफेरको सूचना सुनाएका हुन् ।

यस्तै, कार्यव्यवस्था परामर्श समितिमा पुष्पा भुसाल र बहादुरसिंह लामाको सट्टा चित्रलेखा यादव र मीन विश्वकर्मालाई पठाइएको छ । अन्य केही समितिमा पनि हेरफेर गरिएको छ ।