राष्ट्रिय जनमोर्चाका अध्यक्ष चित्रबहादुर केसीले प्रतिनिधि सभा सदस्यका लागि बागलुङको क्षेत्र नं १ मा उम्मेदवारी दर्ता गराएका छन् । केसीले बागलुङ बजारमा रहेको मुख्य निर्वाचन अधिकृतको कार्यालयमा आफैँ पुगेर उम्मेदवारी दर्ता गराएका हुन् । 

उम्मेदवारी दर्ता गराउन केसी शनिनार नै बागलुङ पुगेका थिए । उनले पाँचदलीय गठबन्धनको सहयोगमा उम्मेदवारी दिएका हुन् । उनीसँगै प्रमुख प्रतिपक्षी दल नेकपा एमालेको तर्फबाट निवर्तमान सांसद डा. सूर्य पाठकले प्रतिनिधिसभा सदस्यका लागि उम्मेदवारी दर्ता गराएका छन् । 

राष्ट्रिय प्रजातन्त्र पार्टीका लक्ष्मी सापकोटा र राष्ट्रिय स्वतन्त्र पार्टीका खिमानन्द कँडेलले पनि प्रतिनिधिसभा सदस्यका लागि उम्मेदवारी दिनुभएको छ ।