प्रतिनिधि सभा निर्वाचनमा ललितपुर क्षेत्र नम्बर ३ बाट सत्ता गठबन्धनकी साझा उम्मेदवार पम्फा भुसालले चुनावी प्रतिबद्धता सार्वजनिक गरेकी छिन् ।

ललितपुरमा बुधवार एक समारोहबीच बाम–लोकतान्त्रिक गठबन्धनकी उम्मेदवार भुसालले चुनावी प्रतिबद्धता सार्वजनिक गरेकी हुन् ।

‘अबको भिजन, गुणस्तरीय जीवन’को नारा दिएर भुसालले पाँच वर्षमा ललितपुरबासीको गुणस्तरीय जीवन जिउने आधार तयार गर्ने प्रतिबद्धता जनाएकी छिन् । 

पर्यटनमा आधारित अर्थतन्त्र, समतामूलक समाज र स्वच्छ पर्यावरणलाई तत्काल विशेष प्राथमिकता दिएर सो अनुरुपको नीति तथा कार्यक्रम तय गर्ने भुसालको प्रतिबद्धता छ । 

२०६४ सालको संविधानसभा निर्वाचन र २०७४ सालको प्रतिनिधि सभा निर्वाचनमा ललितपुर ३ बाट निर्वाचित भुसालले यसपटक पनि जनताबाट माया पाउने विश्वास गरेकी छिन् ।

हेर्नुहोस, भुसालको चुनावी प्रतिबद्धता भिडियोमा