हाम्रो नेपाली पार्टी तथा लौरो अभियानले प्रधानमन्त्री शेरबहादुर देउवाविरुद्ध स्वतन्त्र उम्मेदवारी दिएका सागर ढकाललाई आगामी प्रधानमन्त्रीको उम्मेदवारका रुपमा अगाडि सारेको छ । पार्टीका अध्यक्ष अनन्त राज घिमिरेले जारी गरेको विज्ञप्तिमा आगामी मंसिर ४ पछि हुने संसदमा पार्टीको तर्फबाट प्रधामन्त्रीको उम्मेदवारको रुपमा  ढकाललाई प्रस्ताव गर्ने  निर्णय भएको उल्लेख गरिएको छ । 

विज्ञप्तिमा स्वतन्त्र उम्मेदवारी दिएका ढकाललाई विजय गराउन सम्पूर्ण डडेल्धुराबासी मतदातासामू अपील पनि गरिएको छ ।  लौरो अभियानमा संलग्न भई इन्जिनियर, डाक्टर तथा अभियन्ता प्रत्यक्ष तथा समानुपातिक उम्मेदवार भएको पनि जनाइएको छ । सागर पनि इन्जिनियर हुन् ।