नेकपा माओवादीकी उपमहासचिव पम्फा भुसालले यो पटकको चुनावबाट ह्याट्रिक गर्ने (लगातर ३ पटक जित्ने) बताएकी छन् ।

आइतवार ललितपुर महानगरपालिका २ नम्वरको राजतीर्थ मतदान केन्द्रबाट मतदान गर्दै भुसालले यस्तो बताएकी हुन् ।

उनले अघिल्ला २ पटकको चुनावमा जस्तै यो पटक पनि जीत सुनिश्चित रहेको बताइन् । 

‘यो पटक नै मेरो प्रत्यक्ष चुनाव लड्ने अन्तिम हो । अब म प्रत्यक्ष चुनाव लड्दिन,’ पम्फाले मदातानपछि भनिन् । 

उनले भनिन्,'म आफूले आफैँलाई भाग्यमानी मान्छु । ३ पटक आफैंले आफैंलाई भोट हाले । चुनाव भनेको लोकतन्त्रलाई बलियो बनाउने अभ्यास पनि हो ।'