एक मात्र प्रतिनिधिसभा निर्वाचन क्षेत्र रहेको लमजुङमा  प्रतिनिधिसभा सदस्यतर्फ नेकपा एमालेका उम्मेदवार पृथ्वीसुब्बा गुरुङको मतान्तर घट्दै गएको छ ।

राति १ः५० बजेको पछिल्लो मतपरिणामअनुसार यसअघि गुरुङ २ हजारभन्दा बढीले अघि रहे पनि यतिबेला गठबन्धन तर्फबाट माओवादी केन्द्रका उम्मेदवार देवप्रसाद गुरुङभन्दा जम्मा ४५७ मतले अघि रहेका छन् ।

जिल्ला निर्वाचन कार्यालयका प्रमुख नारायणप्रसाद सापकोटाका अनुसार हालसम्म ४७ हजार ४९९ मतगणना सम्पन्न भएको छ । हालसम्म १ हजार ४४२ मत बदर भएका उनको भनाइ छ । 

दोर्दी, क्व्होलासोथर, दूधपोखरी गाउँपालिका र मध्यनेपाल नगरपालिकाको मतगणना सम्पन्न भएको छ भने यतिबेला सुन्दरबजार नगरपालिका र राइनास नगरपालिकाको मतगणना जारी रहेको मुख्य निर्वाचन कार्यालयले जनाएको छ । जिल्लामा १ लाख ३३ हजार ५५९ मतमध्ये ८० हजार ९१७ मत खसेको थियो ।