कास्कीको २ नम्बर निर्वाचन क्षेत्रबाट प्रतिनिधिसभा सदस्य पदमा नेकपा एमालेकी उम्मेदवार विद्या भट्टराई १६ हजार ९९८ मतसहित पुनः निर्वाचित भएकी छन् ।
    
उनका निकटतम् प्रतिद्वन्द्वी राष्ट्रिय स्वतन्त्र पार्टीका माधवप्रसाद कँडेलले १२ हजार ४९५ मत प्राप्त गरेका छन् ।

भट्टराईले ४ हजार ५०३ मतान्तरले जीतलाई आफ्नो पक्षमा पारेकी थिइन् ।

गठबन्धनका उम्मेदवार नेकपा एकीकृत समाजवादीका श्रीनाथ बराल भने ९ हजार ६५९ मत प्राप्त गरेर तेस्रो स्थानमा रहे । सो क्षेत्रमा ७९ हजार १०० मतदाता रहेकामा ४९ हजार ९२० मत खसेको थियो ।