कैलालीको २ नम्बर निर्वाचन क्षेत्रमा नागरिक उन्मुक्ति पार्टीका अरुण चौधरीले अग्रता लिएका छन् ।

नेकपा एमालेका उम्मेदवार झपटबहादुर रावल दोस्रो स्थानमा रहेका छन् ।

केहीबेर अघिसम्म ४० हजार ६३५ मत गणना हुँदा नागरिक उन्मुक्तिका चौधरीले १४ हजार ७०५ मत प्राप्त गरेका छन् । एमालेका रावलले १० हजार ५९६ तथा नेकपा माओवादी केन्द्रका भगतबहादुर बडुवालले १० हजार ३९८ मत प्राप्त गरेका छन् ।

कूल १ लाख ४ हजार ९०६ मतदाता रहेकामा ६० हजार ६२९ मत खसेको निर्वाचन अधिकृत प्रेमप्रकाश जोशीले जानकारी दिए ।