जनमत पार्टीका अध्यक्ष सीके राउतले प्रतिनिधि सभालाई समयानुकूल सुधार गर्दै लैजान माग गरेका छन् ।

पुरानै शैलीबाट संसद् संचालन गर्दा जनताले महसुश गर्न नसकेको उनको भनाइ छ । 

मंगलबार प्रतिनिधि सभा बैठकमा सभामुखलाई बधाई दिने क्रममा राउतले संसदमा कतिपय अव्यवहारिक काम भइरहेको गुनासो गरे।

‘संसदमा बोल्न समय दिँदा पनि ९० जना सांसद रहेको पार्टीलाई ९० मिनेट र एक सांसदलाई एक मिनेट मात्र हुने भयो । कुन रुपमा व्यवहारिक छ । चिया खाँदा पनि ९० मिनेर र १ मिनेट दिने हो कि ?’ उनले प्रश्न गरे ।

ठूला दलका नेताहरूले संसदको अवमूल्यन गरेको उनले आरोप लगाए । ‘ठूला दलका नेता राजाजस्तै आउने र राजा जस्तै जाने हो ? भने संसदको गरिमा रहन्छ ?’, उनले प्रश्न गरे ।