सत्ता साझेदार दल नेकपा (एमाले) ले आज बुधबार आफ्नो पार्टी कार्यकर्ताका लागि अनुशिक्षण कार्यक्रम गर्दैछ । कार्यक्रमको उदघाटन तथा विशेष प्रस्तुति अध्यक्ष केपी शर्मा ओलीको रहने सो दलले जनाएको छ । 

एमाले पार्टी स्कूल विभागको आयोजनामा हुन गइरहेको कार्यक्रममा अध्यक्ष ओलीले विभागका सदस्यहरुलाई राजनीतिक रुपमा प्रशिक्षित गर्ने कार्यक्रम तय भएको एमाले प्रचार विभागका सचिव गगन विष्टले बताए । आज विहान ११ बजे उदघाटन हुने सो कार्यक्रम एमाले मुख्यालय च्यासल ललितपुरमा हुने उनले बताए । 

एमालेले पछिल्लो समय पार्टीको विभिन्न विभागद्वारा नेता कार्यकर्ताहरुलाई अनुशिक्षण दिंदैआएको छ । संसदमा दोस्रो ठूलो दल एमाले सत्ता साझेदार दलमा सबैभन्दा ठूलो दल हो । कार्यकर्तालाई पार्टीको नीति, कार्यक्रम तथा योजनाअनुसार प्रशिक्षित गर्न कार्यक्रम गरिदैआएको सचिव विष्टले बताए ।