माघ १३, २०८०
रोल्पाका देवराज बुढामगर गाउँकै साधारण किसान हुन् । परिवर्तन गाउँपालिका–४ पाथावाङ निवासी देवराजका ६ छोरी र एक छोरा सरकारी जागिरे छन् । छोराको आसमा ६ छोरी जन्माए देवराज र उनकी श्रीमती नन्दाले । हुन पन...
नेपाललाई कृषि प्रधान देश भनेर चिन्ने गरिन्छ तर कतिपय क्षेत्रका किसानले ६ महिनालाई पुग्ने खाद्यान्न समेत उत्पादन गर्न सक्दैनन् ।
कृषि प्रधान देशमै हरेक वर्ष अर्बाैंको खाद्यान्न विदेशबाट आयात गर्नुपरेको छ । कृषिमा लागेका किसानले पनि भण्डारण, बजारीकरण लगायतका समस्या भोग्दै आएका छन् ।
तर सोलुखुम्बुका किसान धोमी शेर्पाले घरमै कोल्ड स्टोर निर्माण गरेका छन् । उत्पादन गरेका फलफूल उनले काठमाडौंका बजारमा बेच्ने गरेका छन् ।
सोलुखुम्बुमै स्याउ तथा किवी खेती गर्ने पहिलो किसानका रूपमा चिनिएका छन् धोमी । १ नम्बर प्रदेशका हिमाली जिल्लामा पछिल्लो समय मौसम परिवर्तनका कारण स्याउको खेती घट्दो क्रममा छ । खेतीका लागि प्रोत्साहन गर्ने सरकारी निकायले पनि किसानलाई स्याउ खेती नगर्न सुझाव नै दिन थालेका छन् ।
जलवायु परिवर्तनका कारण उत्पादनमा गिरावट तथा स्वाद समेत फरक पर्न थालेपछि कृषकहरू स्याउको विकल्प खोज्न थालेका छन् । स्याउको विकल्पमा किवी खेती गर्न थालेका छन् किसान । स्याउ मासेर १० वर्षदेखि उनले किवी खेती थालेका छन् । स्याउले बजार पाउन छाडेपछि स्याउको बगान मासेर किवी खेती थालेको उनले बताए ।
मदन भण्डारी राजमार्गका कारण प्रदेश राजधानीभन्दा संघीय राजधानी काठमाडौं पुग्न सहज बन्ने गरेको छ । सोलुखुम्बुका किसानले उत्पादन गरेका वस्तुको बजार काठमाडौं हो ।
बुवा ज्याङ्वो शेर्पाले १५ रोपनीमा स्याउ खेती गरेका थिए तर स्याउ मासिएपछि ३५ रोपनीमा किवी खेती गरेका छन् । आरु, स्याउ हुँदै धोमीको परिवार किवी खेतीमा पुगेको छ । उनको परिवारले असारमा आरु उत्पादन गर्थ्यो भने साउनदेखि स्याउ उत्पादन गर्ने गरेको थियो ।
बेमौसमी बजारको खोजी गर्ने शेर्पाको परिवारले अहिले घरमै कोल्ड स्टोर बनाएको छ । ‘कुलवोट’ अमेरिकन प्रविधिमार्फत घरमै स्टोर बनाएर भण्डारण गर्ने गरिएको उनले बताए । वार्षिक १० हजार टनभन्दा बढी किवी उत्पादन गर्ने गरिएको छ ।
नेपालमा १२०० मिटरदेखि माथि २४०० मिटरसम्मको उचाइलाई किवी फलको खेतीका लागि उचित मानिन्छ । वार्षिक वर्षा १५०० देखि २००० मिलिमिटर र ७६ देखि ७८ प्रतिशत सापेक्षिक आर्द्रता किवी खेतीका लागि उपयुक्त हुने गरेको कृषि प्राविधिकहरू बताउँछन् ।
पर्यटन व्यवसायी समेत रहेका शेर्पा सरकारले सहजरूपमा वाइन बनाउन दिए विदेश निर्यात गर्ने बताउँछन् । घरमा वाइन बनाएर कोेशेलीका रूपमा बेच्ने गरेका उनले सरकारले सहज रूपमा उत्पादन गर्ने वातावरण बनाइदिनुपर्ने उनी बताउँछन् । युरोपका ५ वटाभन्दा बढी देशमा गएर पर्यटकलाई नेपालका विभिन्न जिल्लामा ल्याई घुमाएका धोमीले सरकारले कृषिमा अनुदान मात्रै दिने तर त्यसको अनुगमन नगर्ने गरेकाले पनि अनुदानमुखी कृषि भएको बताउँछन् । किवीको वाइन बनाउन सरकारले अन्यभन्दा ४ गुना बढी राजस्व लिने गरेको उनले बताए ।
विदेशबाट निर्यात हुने रक्सी रोक्न सकिने पनि उनको अनुभव छ । नेपालमा भारत, अमेरिका, मेक्सिको, इटली, फ्रान्स, नेदरल्यान्ड, अस्ट्रेलिया लगायत विभिन्न देशबाट मदिरा आयात हुँदै आएको छ तर यिनै देशमा नेपालबाट पठाउन सकिने उनी बताउँछन् । ‘नेपालमा विदेशी पर्यटक आउँदा हामीले उत्पादन गरेका खानेकुरामा मोहित हुन्छन् तर राज्यमा बस्नेले निर्यात गर्ने कुरामा ध्यान दिँदैनन्,’ उनले भने, ‘उत्पादन गरेको वाइन काठमाडौं लगेर बेच्न पनि समस्या हुने गरेको छ ।’
हेवार्ड, एलिसन, मन्टी, ब्रुनो, रेड, मिनि र गोल्डेन जातका किवीहरू उनका बगानमा छन् । वार्षिक खर्च कटाएर १० लाखभन्दा बढी आम्दानी गर्ने गरेको उनले बताए ।
किवी फलमा मानव शरीर स्वस्थ रहनका लागि अतिउपयोगी खाद्य तत्व धेरै परिमाणमा रहेको उनले बताए ।
रोल्पाका देवराज बुढामगर गाउँकै साधारण किसान हुन् । परिवर्तन गाउँपालिका–४ पाथावाङ निवासी देवराजका ६ छोरी र एक छोरा सरकारी जागिरे छन् । छोराको आसमा ६ छोरी जन्माए देवराज र उनकी श्रीमती नन्दाले । हुन पन...
बुटवलका कुलचन्द्र पाण्डे सफल पर्यटन व्यवसायी हुन् । कुनै समय भारतको एउटा कम्पनीमा काम गरेका पाण्डे अहिले रूपन्देहीमा ‘एसियन ब्राण्ड’ चम्काउने ‘टुरिजम’ उद्यमीका रूपमा चिनिन्छन् । तीन दशकअघि...
श्रीमान्–श्रीमती नैं शाखा अधिकृत, त्यो पनि एकसाथ । यस्तो सुखद संयोग सरकारी सेवामा प्रवेश गर्न चाहनेमध्ये कमैलाई मात्र जुर्ने गर्छ । तर, गुल्मीको धुर्कोट गाउँपालिका वडा नम्बर–६ का सुरेन्द्र पाण्डे र रमित...
प्रगतिशील राजनीतिको 'फ्रन्टलाइन'मा देखिने नेताहरू जति कठोर हुन्छन्, त्यो भन्दा बढी ‘इमोसनल र सेन्टिमेन्टल’ पनि हुन्छन् । त्यस्तै ‘इमोसनल फिलिङ्स’का बाबजुद परिस्थितिले कठोर बन्दै गएक...
२०५८ साल वसन्त ऋतुको समय । घमाइलो त्यो समयमा एउटा फूल काँडाको बाटो डोरिँदै थियो । बहकाउ र त्रासमा १३ वर्षको बालक सत्तालाई बन्दुक नाल तेर्स्याउन कस्सिएको थियो । लहडमा हिँडेको बाटोमा न ऊ फुल्न पायो, न ओइलियो ।...
पोखराका अशोक खड्काको पारिवारिक वातावरण सानैदेखि उद्यमशीलताको थियो । उनका बुवा सधैं एकै सुझाव दिइरहन्थे– नेपालमै केही गर्नुपर्छ । उनको बालमस्तिष्कमा त्यही छाप पर्यो । विदेश जाने सोच कहिल्यै बनाएनन् । नेप...
मानव स्वभाव प्रायः म र मेरो भन्ने हुन्छ । जस्तोसुकै आदर्शको कुरा गरे पनि, जतिसुकै महान देखिन खोजे पनि यी म र मेरोमा अलिकति धक्का लाग्नेबित्तिकै, ढेस पुग्नेबित्तिकै त्यस्ता आदर्श र महानता कुन सड्को ‘फू&rsquo...
२०६२ सालपछिको कुरा हो, अख्तियार दुरूपयोग अनुसन्धान आयोगका एकजना उपसचिव र एकजना शाखा अधिकृत कम्पनी रजिष्ट्रारको कार्यालयमा सरुवा भएर गए । यति मात्र होइन, राष्ट्रिय सतर्कता केन्द्रका एक उपसचिव पनि सोही कार्यालयमा...
धेरै पहिलेको कुरा हो एक जना सज्जनका दुई भाइ छोरा थिए । उनीहरूबीच निकै मिल्ती थियो । एकपटक भगवान्ले आएर वरदान माग भनेकाले उनीहरूले अमरताको वर मागेका थिए । उनीहरूको कुरा सुनेर भगवान्ले भने– ‘...