एमाले सांसद तथा प्रतिनिधिसभा सदस्य गोकुल बास्कोटाले अब सरकारमा कथित बामपन्थी सहकार्य समाप्त भएको बताएका छन् । उनले एमाले आफ्नै लयमा अघि बढ्नुपर्ने पनि बताएका छन् । 
‘उहिल्यै भन्देको हो–छेपारो र प्रचण्डबीच रंग फेर प्रतियोगीता भए पनि छेपारो नै हार्छ’, बाँस्कोटाले सामाजिक सञ्जालमा टिप्पणी गरेका छन्, ‘उग्रपन्थीको अन्तिम बिसौनी दक्षिणपन्थी अवसरवाद नै हुन्छ।अब सरकारमा कथित बामपन्थी सहकार्य समाप्त भयो।एमाले  आफ्नै लयमा अघि बढ्नु पर्छ।’

उनले उत्साह र आशा दुबै नभएकाले एमाले निराश हुनु पर्ने कारण नरहेको पनि बताएका छन् । माओवादीले एमालेसँगको गठबन्धन तोड्दै कांग्रेसलाई राष्ट्रपतिमा समर्थन गर्ने निर्णय गरेको थियो ।