राष्ट्रपतिमा पराजित भएपछि एमालेले उपराष्ट्रपतिमा पनि उम्मेदवार उठाएको छ ।

शनिबार बानेश्वरस्थित ल्होत्से हलमा पुगेर एमालेका शीर्ष नेताले उपराष्ट्रपतिको उम्मेदवारमा अष्टलक्ष्मी शाक्यको नाम दर्ता गराएको हो ।

उम्मेदवार दर्तापछि शाक्यले आफूविरुद्ध बलियो गठबन्धन भए पनि लोकतन्त्रलाई बलियो बनाउन सबैले सोच्न जरुरी रहेको बताइन् । 

‘राजनीति गर्नेले डर मानेर हुन्छ ? लोकतन्त्रमा स्वस्थ प्रतिस्पर्धा गर्ने हो । एमाले एक्लै छ भन्ने लागेको छैन । लोकतन्त्रलाई बलियो बनाउने हो भने सबैले सोच्न जरुरी छ,’ उम्मेदवारी दर्ता गराएपछि शाक्यले भनिन् ।

शाक्यविरुद्ध सत्ता गठबन्धनमा आबद्ध दलमध्ये जनमत पार्टीकी ममता झाले उम्मेदवारी दर्ता गराएकी छिन् ।

जसपाबाट पनि २ नेताले उपराष्ट्रपतिमा उम्मेदवारी गराउँदैछन् ।