उपराष्ट्रपतिमा सत्ता गठबन्धनका तर्फबाट जसपा संसदीय दलका नेता रामसहायप्रसाद यादवले उम्मेदवारी दर्ता गराएका छन् ।

उम्मेदवारी दर्ता गराएपछि यादवले आफूलाई धेरै दलको समर्थन मिलेको बताए । उपराष्ट्रपतिमा निर्वाचित भए संविधानको पालना गर्ने र राष्ट्रिय एकतालाई मजबुत बनाउने उनले बताए। 

‘उम्मेदवारी दिएकोमा खुशी लागेको छ । धेरै दलको समर्थन मिलेको छ । निर्वाचित भइयो भने मुलुकको संविधानको पालाना गर्ने र राष्ट्रिय एकतालाई मजबुत बनाउँछु । मलाई उपराष्ट्रपतिमा विजय गराउन सबै दलका सांसदलाई आग्रह गर्छु ।’

यादव अघि सत्ता गठबन्धनमै आबद्ध जनमतकी ममता झाले पनि उपराष्ट्रपतिमा उम्मेदवारी दर्ता दिने छिन्।

लगत्तै एमालेकी अष्टलक्ष्मी शाक्यले पनि उम्मेदवारी दर्ता गराइसकेकी छन् । अब जसपाले प्रमिला यादवलाई पनि उम्मेदवार बनाउने तयारी गरेको छ ।