जाजरकोट केन्द्रबिन्दु भएर गएको भूकम्प प्रभावितको उद्धारका लागि राष्ट्रिय ध्वजावाहक नेपाल वायुसेवा निगमको जहाज परिचालन गरिएको छ । शनिबार निगमको आन्तरिक उडानमा रहेको ट्वीनअटर जहाज स्वास्थ्यकर्मी र स्वास्थ्य सामाग्री लिएर रुकुम उडान गरेको थियो ।

सो बिमानले त्यहाँबाट घाइतेहरूको उद्धार गरेको नेपाल वायुसेवा निगमले जनाएको छ । सोही विमानमा रुकुमको सल्लेबाट भूकम्पका  ११ जना घाइतेलाई नेपालगन्ज ल्याइएको छ। नवजात शिशु सहित ११ जना घाइतेलाई नेपाल नेपालगन्ज ल्याइएको हो।

 घाइतेको उद्धार गर्न जहाज काठमाडौंबाट रुकुम सल्ले हुँदै नेपालगन्ज पुगेको हो। नेपाल प्रहरीका अनुसार निगमको जहाजबाट केही घाइतेहरुलाई उपचारका लागि काठमाडौं समेत ल्याइएको छ ।

 जाजरकोट रामीडाँडा केन्द्र विन्दु बनाएर गएको भूकम्पबाट हालसम्म १५७ जना नागरिकको मृत्यु भएको छ। यस्तै डेढ सय भन्दा बढी घाइते भएका छन् ।