पञ्जाबविरुद्ध सनराईजर्स हैदरावादको रोमाञ्चक जीत

इंडियन प्रिमियर लिग (आईपीएल) क्रिकेटमा सनराईजर्स हैदरावादले रोमाञ्चक जीत दर्ता गरेको छ । गएराति सम्पन्न खेलमा हैदरावाददले पञ्जाब किंग्सलाई २ रनको झिनो अन्तरले हराएको हो । 

हैदरावादले दिएको १८३ रनको लक्ष्य पछ्याएको पञ्जाब २० ओभरमा ६ विकेट गुमाएर १८० रन मात्र बनाउन सक्यो ।

पञ्जाबका लागि शशाङ्कले २५ बलमा ४६ रन बनाए ।  आशुतोषले १५ बलमा ३३ रनको विष्फोटक इनिङ खेले ।

स्याम करन र सिकन्दर राजाले क्रमसः २९ र २८ रन जोडेका थिए ।

हैदराबादका लागि भुवनेश्वर कुमारले २ तथा प्याट कमिन्स, नटराजन, नितिश रेड्डी र जयदेव उनादकटले १-१ विकेट लिए ।

त्यसअघि टस हारेर पहिले ब्याटिङको निम्तो पाएको हैदरावादले निर्धारित २० ओभरमा ९ विकेट गुमाउँदै १८२ रन बनाएको थियो । हैदराबादका लागि युवा ब्याटर नितिश रेड्डीले ३७ बलमा ६४ रन बनाएका थिए ।