जारी आईपीएलमा राजस्थानको पहिलो हार

इन्डियन प्रिमियर लिग (आइपीएल)मा राजस्थान रोयल्सले पहिलो हार ब्यहोरेको छ । बुधबार राति भएको खेलमा गुजरात टाईटन्सले राजस्थानलाई पहिलो हार चखाएको हो । 

राजस्थानले दिएको १९७ रनको विशाल लक्ष्य गुजरातले अन्तिम बलमा ३ विकेट बाँकी छँदै भेट्टायो ।

गुजरातका लागि कप्तान शुभमन गिलले ४४ बलमा सर्वाधिक ७२ रन बनाए । यस्तै ओपनर साई सुदर्शनले ३५ तथा रासिदले ११ बलमा २४ रन बनाए । टेवाटियाले २२ रन जोडे ।

राजस्थानका लागि कुलदीप सेनले ३ तथा युजभेन्द्र चहलले २ विकेट लिए । आवेश खानले १ विकेट लिए ।

त्यसअघि जयपुरमा टस हारेर पहिले ब्याटिङ गरेको राजस्थानले निर्धारित २० ओभरमा ३ विकेट मात्र गुमाएर १९६ रन बनाएको थियो ।

राजस्थानका लागि रियान परागले सर्वाधिक ७६ रन बनाए । कप्तान संजु स्यामसनले ६८ रन जोडे । त्यस्तै यशसस्वि जैसवालले २४ रन बनाए । 

जितपछि गुजरात ६ खेलमा ६ अंकसहित छैठौं स्थानमा छ । राजस्थान ५ खेलमा ८ अंकसहित शीर्ष स्थानमा छ ।