सरकारले डा. अन्जान शाक्यलाई राष्ट्रिय सभाको रिक्त सदस्यमा मनोनयन गर्न राष्ट्रपति रामचन्द्र पौडेलसमक्ष सिफारिस गरेको छ ।

शुक्रबार बसेको मन्त्रिपरिषद्को बैठकले शाक्यलाई रिक्त राष्ट्रिय सभाको सदस्य पदमा मनोनीत गर्न सिफारिस गरेको जानकारी सरकारकी प्रवक्ता रेखा शर्माले दिइन् । 

सिफारिस भएकी शाक्य इजरायलको लागि पूर्व राजदूत पनि हुन् । केपी शर्मा ओली प्रधानमन्त्री भएकी बेला उनी राजदूत भएकी हुन् ।  उनी यस अघि राष्ट्रिय योजना आयोगको सदस्य पनि भइसकेकी छिन् । 

ओली प्रधानमन्त्रीबाट हटेपछि तत्कालीन शेरबहादुर देउवा नेतृत्वको सरकारले उनलाई राजदूतबाट फिर्ता बोलाएको थियो ।

शाक्यलाई मनोनयनको सिफारिस अघि प्रधानमन्त्री पुष्पकमल दाहाल प्रचण्डसँग एमाले अध्यक्ष केपी ओलीले भेट गरेका थिए । 

राष्ट्रिय सभा सदस्यको लागि सिफारिस गरिएकी शाक्य गायिका पनि हुन् । 

शाक्य एमाले विदेश विभागकी सदस्य पनि हुन् ।