झारखण्डका पूर्वमुख्यमन्त्री हेमन्त सोरेनलाई जमानत

भारतको झारखण्डका पूर्वमुख्यमन्त्री हेमन्त सोरेनले कथित जग्गा घोटालामा जमानत पाएका छन् ।

कथित जग्गा घोटालासँग सम्बन्धित मनी लान्ड्रिंग मुद्दामा झारखण्ड उच्च अदालतबाट उनले जमानत पाएको बीबीसीले जनाएको छ । 

मुख्यमन्त्री चम्पाई सोरेनका निजी सहायक गुरु प्रसादले बीबीसीसँग कुरा गर्दै हेमन्त सोरेन जमानत पाएको पुष्टि गरेका छन् ।

अदालतले दुईवटा ५० हजार रुपैयाँ धरौटी बुझाउन पनि आदेश दिएको र आज नै बाहिर ल्याउने प्रयास गरिरहेको उनले बताए । 

सोरेनलाई ईडीले गत जनवरीमा पक्राउ गरेको थियो। अब उनी करिब पाँच महिनापछि जेलबाट बाहिर आउने भएका छन् ।