रवीन्द्र मिश्रविरुद्ध उम्मेदवारी दिँदै कांग्रेसका प्रकाशमान सिंहले भने, आर्थिक क्रान्ति गर्छु

काठमाडौं, १६ कात्तिक– दोस्रो चरणअन्तर्गत आगामी मंसिर २१ गते हुने प्रदेश तथा प्रतिनिधि सभा निर्वाचनका लागि नेपाली कांग्रेसका नेता प्रकाशमान सिंहले प्रतिनिधिसभा सदस्यका लागि काठमाडौं क्षेत्र नम्बर १ बाट उम्मेदवारी दर्ता गराएका छन् ।

हालै गठन भएको विवेकशील साझा पार्टीका संयोजक रवीन्द्र मिश्रले चुनाव लड्ने घोषणा गरेपछि काठमाडौं १ मा दलहरुबीच तीब्र चुनावी प्रतिस्पर्धा हुने देखिएको छ । २०७० सालमा सम्पन्न संविधान सभा निर्वाचनमा उक्त क्षेत्रबाट कांग्रेस नेता सिंह विजयी भएका थिए ।

नेता सिंहले आर्थिक क्रान्तिका लागि आफूले उम्मेदवारी दर्ता गराएको बताए । ‘हरेक सुख दुखमा जनतालाई कांग्रेसले साथ दिएको छ,’ नेता सिंहले भने, ‘मेरो उम्मेदवारी अब आर्थिक क्रान्ति सम्पन्न गर्नका लागि हो ।’

उनले आफू विजयी हुनेमा निश्चित रहेको पनि दावी गरे ।

---

---