गगन थापाको आश्वासन, एक महिनामै काठमाडौंको कायापलट

काठमाडौं, १६ कात्तिक– नेपाली कांग्रेसका केन्द्रीय सदस्य तथा पूर्वमन्त्री गगन कुमार थापाले काठमाडौं क्षेत्र नम्बर ४ बाट प्रतिनिधि सभा सदस्यका लागि उम्मेदवारी दर्ता गरेका छन् ।

उम्मेदवारी दर्ता गर्दै थापाले आफू निर्वाचित भए एक महिनामै काठमाडौंको कायापलट गर्ने आश्वासन दिएका छन् । अहिले २–३ वर्ष भन्दा बढी समय लगाएर शहरी पूर्वाधार निर्माण भइरहेको भन्दै उनले आफू निर्वाचित भए एक महिनामै शहरी विकासका काम सम्पन्न गर्ने बताए ।

‘अहिलेको जस्तो २–३ वर्ष लगाएर शहरी पूर्वाधार निर्माण गर्ने काम भइरहेको छ,’ थापाले भने, ‘तर एक महिनाभन्दा कम सयमा पनि शहरी पूर्वाधार बनाउन सकिन्छ । त्यसका लागि नीति निर्माण गरेर काम गरिनेछ ।’

---

---