मंसिर १६, २०८०
नेपाली कांग्रेसका केन्द्रीय सदस्य तथा सांसद डा. चन्द्र भण्डारीले पार्टी सभापति शेरबहादुर देउवाले अब नेतृत्व छाड्नुपर्ने बताएका छन् । पार्टीको लुम्बिनी प्रदेश सम्मेलनमा शनिवार बोल्दै भण्डारीले देउवाले अब...
कात्तिक २६, २०७४
काठमाडौं, २६ कार्तिक – चुनावी चहलपहल मात्र होइन, शनिवार दिउँसो पारिलो घामले ललितपुर पनि उत्तिकै गर्मिलो बनेको थियो । क्षेत्र नम्बर १ को ठैव, बाँडेगाउँ क्षेत्रतिर स्थानीय मतदाता चुनावी चहलपहलभन्दा आफ्नै दैनिकीमा व्यस्त देखिन्थे ।
केही पर बिसङ्खु नारायणस्थानमा वाम गठबन्धनमा एमालेको तर्फबाट उम्मेदवारी दिएका नवराज सिलवालका लागि भोट माग्दै थिए एमालेका कार्यकर्ता । अर्कातिर नेपाली कांग्रेसका तर्फबाट उम्मेदवारी दिएका उदयशमशेर राणाका लागि कार्यकर्ताले ललितपुरकै चापागाउँ वरपर मतदातासँग भोट आह्वान गरिरहेका थिए ।
तर, ठैव आसपासका मतदाता भने मसींर २१ मा हुन लागेको चुनावबारे नै अन्यौलमा देखिन्थे । आफ्नो घरायसी काममै व्यस्त स्थानीयवासी प्रतिनिधिसभा तथा प्रदेशसभाको चुनावका बारेमा बेखबर देखिएका हुन् ।
उम्मेदवारहरू चुनावी प्रचारमा डुलिरहेका बेला बाँडेगाउँ आसपासका मतदाता अझैसम्म कोही भोट माग्न नआएको बताउँछन् । तर, बाँडेगाउँकै मुख्य क्षेत्रमा भने सडकका प्रत्येक खम्बामा नयाँ शक्ति पार्टीको आँखा अंकित झण्डा झुण्डाइएका छन् ।
पार्टीका उम्मेदवार र कार्यकर्तालाई चुनावी प्रचारले छपक्कै छोपे पनि नवराज सिलवास र उदयशमशेर राणा उठेकै क्षेत्रका मतदातालाई भने चुनावी माहोलले खासै प्रभाव पारेको छैन । पूर्वडिआइजी नवराज सिलवाल र ललितपुरबाट पहिले पनि चुनाव लडेका उदयशमशेरलाई चर्चित उम्मेदवारका रुपमा पनि हेर्ने गरिएको छ त्यस क्षेत्रमा ।
राजनीतिमा कम चासो राख्ने मतदातालाई को को उम्मेदवार चुनावी मैदानमा उत्रिएका छन् भन्ने समेत थाहा नभएको बताउँछन् स्थानीयवासी । बजारदेखि केही भित्री भागको खेतबाट पराल बोकेर उकालो निस्कँदै गरेका ठैवका उद्धवप्रसाद बजगाईंले उम्मेदवारले आफ्नो लागि भन्दा पनि यो क्षेत्रको विकासका लागि काम गरेको हेर्न चाहेको बताए । ‘उम्मेदवारले हाम्रो खेतमा आएर धान काटिदिनु परेन, बरु जनतालाई दुःख पर्दा सहयोग गरिदिए पुग्यो’, बजगाईंले पसिना पुछ्दै थपे, ‘जसलाई जिताए पनि आजसम्म जनताले राहत पाएजस्तो लागेको छैन ।’ खेतको बीचमा जस्ताले बेरेको एक तले सानो घरमा बस्दै आएकी माया तामाङले जसलाई जिताए पनि जनतालाई कुनै प्रभाव नपर्ने बताइन् ।
‘हामीले दुई वर्षअघि गएको भूकम्पको अनुदान रकम पनि अझै पाएका छैनौं, बोल्न सक्नेले उहिल्यै लिए तर हामीले पाएनौं’, उनले थपिन्, ‘भोट त पहिलेदेखि नै हाल्दै आएको पार्टीलाई दिने होला नि ।’ नजिकै आँगनमा बसेकी स्थानीय सरिता महर्जनले थपिन्, ‘भोट माग्न ‘ज्यू ज्यू’ गर्दै आउँछन्, पछि चिन्नै छोड्छन् ।’
उम्मेदवार तथा जिताएर पठाएका प्रतिनिधिप्रति मतदाताले खासै ठूला आशा नराखे पनि आफ्नो क्षेत्रमा विकास गरिदिए हुन्थ्यो भन्ने चाहना भएको बताउँछन् । तर चुनावी सरगर्मी तातिरहँदा भने कतिपय मतदादाले आफ्नो क्षेत्र नम्बर कति हो र को को उम्मेदवार उठेका छन् भन्ने बारेमा जानकार नभएको बताउँछन् ।
खेतबाट धान काटेर भर्खरै घरतिर जाँदै गरेका कृष्णगोपाल महर्जन र ६८ वर्षीय उनकी आमा कृष्णमाया महर्जनले आफ्नो क्षेत्रबाट को उठेको छ भन्ने थाहा नभएको बताए । ‘हामीलाई त को उठेको छ भन्ने पनि थाहा छैन, कोही भोट माग्न पनि आएका छैनन्’, कृष्णमायाले थपिन्, ‘बल्ल त चुनाव लागेको छ, आउलान् नि ।’
प्रायः सबै दलका उम्मेदवारहरू मत माग्न विभिन्न माध्यममार्फत मतदातामाझ पुगेका छन् भने मतदाता भने कुन मतदातालाई जिताउने भन्नेमा अलमल देखिएका छन् । स्थानीय चुनावप्रति खासै चासो नदेखाए पनि आफ्नो क्षेत्रको विकास गर्ने उम्मेदवारलाई भोट दिने स्थानीयवासी बताउँछन् । भन्छन्, ‘कसलाई जिताउने भनेर अझै सोच्ने बेला छ, भोलि मत हालेपछि पछुताउन नपरोस् ।’
नेपाली कांग्रेसका केन्द्रीय सदस्य तथा सांसद डा. चन्द्र भण्डारीले पार्टी सभापति शेरबहादुर देउवाले अब नेतृत्व छाड्नुपर्ने बताएका छन् । पार्टीको लुम्बिनी प्रदेश सम्मेलनमा शनिवार बोल्दै भण्डारीले देउवाले अब...
नेपाली कांग्रेसका केन्द्रीय सदस्य डा. चन्द्र भण्डारीले समस्त कांग्रेसजन र नेपाली जनताले डा. शेखर कोइरालालाई एक पटक कांग्रेस सभापति भएको हेर्न चाहेको बताएका छन् । कोइराला वर्तमान र भविष्य हेर्न सक्ने नेता भएको उ...
मोहन वैद्यले नेतृत्व गरेको नेकपा (माओवादी क्रान्तिकारी)ले गरेको लालमार्च तथा सभामा कुर्सी हानाहान भएको छ । क्रान्तिकारीले १३१ औं माओ दिवसका अवसरमा काठमाडौंको शान्ति वाटिकामा गरेको मार्चपासमा कुर्सी हानाहान...
दशैं वरिपरि मुलुकमा केही राजनीतिक परिदृश्यहरू देखिए । दशैंको रौनकसँगै पूर्वमा कोशीको छालले केही तरंग ल्यायो । कोशी प्रदेशमा कांग्रेसभित्रको ‘अर्ध विद्रोह’ले पाँच दलीय गठबन्धनमात्रै धर्मराएन, कांग्र...
मेडिकल व्यवसायी दुर्गा प्रसाईं र नेकपा (एमाले)का नेता महेश बस्नेतले काठमाडौं उपत्यकामा बिहीवार छुट्टाछुट्टै प्रदर्शन गर्ने भएपछि सुरक्षा निकायहरू यतिबेला ‘हाई अलर्ट’मा छन् । नेपाल प्रहरीले प्...
‘यो कस्तो तरिका हो के रोडमा हिँड्न पनि नपाउने ? म बौद्ध जाने बस कुरेर बसेकी हुँ के । तपाईंहरू किन ममाथि आवश्यकताभन्दा बढी निगरानी गरिरहनु भएको छ,’ मेडिकल व्यवसायी दुर्गा प्रसाईंका कार्यकर्ता...
नेपालको निजामती सेवा (समग्र प्रशासन) कम व्यावसायिक भएको आरोप लाग्दै आएको छ । कर्मचारीहरूमा बुझाइको स्तर सतही देखिन थालेको छ । सकारात्मक सोच पनि खस्किएको छ । प्रस्तुतिमा आत्मविश्वास होइन, हीनभावना देखिन थालेको ...
निरन्तर १८ वर्ष लामो कन्जरभेटिभ पार्टीको सरकारलाई विस्थापित गर्दै लेबर पार्टीका नेता टोनी ब्लेयर सन् १९९७ को मे २ मा बेलायतको प्रधानमन्त्री बन्न सफल भएका थिए । लेबर पार्टीका नेता जोन स्मिथको निधनपश्चात पार्टीको ...
जनता समाजवादी पार्टीमा आएको विभाजन पहिलो पनि होइन र अन्तिम पनि होइन । राजनीतिक दलमा आएको विभाजनको लामो शृङ्खला हेर्ने हो भने पनि यो न पहिलो हो, न अन्तिम । दुःखद् कुरा के भने राजनीतिक दल विभाजनको नयाँ कोर्...