माघ १३, २०८०
रोल्पाका देवराज बुढामगर गाउँकै साधारण किसान हुन् । परिवर्तन गाउँपालिका–४ पाथावाङ निवासी देवराजका ६ छोरी र एक छोरा सरकारी जागिरे छन् । छोराको आसमा ६ छोरी जन्माए देवराज र उनकी श्रीमती नन्दाले । हुन पन...
काठमाडौं, ८ फागुन– वन्यजन्तु तस्करी नियन्त्रणका लागि सरकारी तथा गैरसरकारी गरी झण्डै एक दर्जन निकाय सक्रिय छन् । तर, तस्करीका घटना भने बढीरहेको देखिन्छ । गत माघ २७ गते नेपाल प्रहरीको केन्द्रीय अनुसन्धान ब्यूरो (सिआईबी)को टोलीले काठमाडौंको लैनचौरबाट २ थान गैंडाको खागसहित तीन जनालाई पक्राउ गर्यो ।
पक्राउ पर्नेमा गोरखाका हरिबहादुर ढकाल, डिलबहादुर ढकाल र उदयपुरका कृष्णबहादुर मगर छन् । पक्राउ पर्ने तीनजनामध्ये हरिबहादुर र कृष्णबहादुर नेपाली सेनाका जवान रहेको प्रहरी अनुसन्धानबाट खुयो । यो त पछिल्लो एउटा उदाहरण मात्र हो ।
सिआईबी स्थापना भएयता करिव ८ वर्षको अवधीमा वन्यजन्तु अपराध सम्बन्धी २ सय ५६ ओ अपरेशन भएका थिए । ती अपरेशनमा ५ सय ८४ जना पक्राउ परे । जसमध्ये ३१ जना विदेशी नागरिक छन् । सिआईवी प्रमुख प्रहरी नायव निरीक्षक (डिआईजी) पुस्कर कार्कीका अनुसार विदेशीमा पनि भारतीय, पाकिस्तानी र चिनिया“ नागरिकको संख्या बढी छ ।
यस्तो छ प्रहरीको पछिल्लो ८ वर्षमा गरेकाे अपरेशनकाे विवरण;
अार्थिक वर्ष | अपरेशन संख्या | पक्राउ संख्या |
---|---|---|
२०६७/६८ | १० | ४० |
२०६८/६९ | २२ | ५९ |
२०६९/७० | ३२ | ४० |
२०७०/७१ | २७ | ६३ |
२०७१/७२ | ३७ | ८५ |
२०७२/७३ | ४७ | १०९ |
२०७३/७४ | ५४ | ११६ |
२०७४/७५ | २७ | ५२ |
यो अवधीमा प्रहरीले ठूलो परिमाणमा वन्यजन्तुको अंग आखेटोपहार बरामद गरेको छ । सिआईवी प्रमुख डिआईजी कार्की भन्छन्, ‘सिआईवीले मूख्यगरी वन्यजन्तु तस्करी नियन्त्रका लागि अनुसन्धानको भूमिका निर्वाह गरिरहेको छ । यो अवधीमा तस्करी नियन्त्रणमा उल्लेख्य उपलब्धी हासिल भएको छ ।’
प्रहरीका अनुसार नेपाल बन्जयन्तु तस्करीको स्रोत मुलुक भन्दा पनि ट्रान्जिटका रुपमा बढी प्रयोग भएको छ । बाघ, गैँडा, चितुवा, रेडपाण्डाको तस्करी केही मात्रामा नेपाल भए पनि बाँकी वन्यजन्तुको तस्करीका लागि नेपाल ट्रान्जिट हो ।
केका लागि कुन वन्यजन्तुको तस्करी ?
नेपालमा मुख्यगरी खाग, खुर तथा छालाको लागि गैंडाको शिकार गरिएको देखिन्छ । त्यसैगरी, छाला र हड्डीको लागि वाघ र चितुवाको शिकार गरिन्छ । पित्त र नाङ्ग्राको लागि भालु मारिदै आएको छ । रेडपाण्डाको पनि छालाको लागि शिकार हुन्छ । यी वाहेक, खपटाको लागि सालक, दाह्राको लागि हात्ती, विनाको लागि कस्तुरीको सिकार गर्ने गरेको पाइएको छ । त्यस्तै, जीवित अजिङ्गर, हुचिल र विभिन्न पशुपंक्षीको पनि तस्करी हुने गरेको छ ।
तस्करीमा अन्तर्राष्ट्रिय जालो
तस्करहरुको अन्तर्राष्ट्रिय गिरोहले नेपाललाई ‘ट्रान्जिट’ बनाएर भारतलगायत अन्य मुलुकबाट नेपालहुँदै वन्यजन्तुको छाला एवं आखेटोपहरको माग रहेका देशहरु चीन, भियातनाम, जापान, कम्बोडिया लगायतमा पुर्याइरहेका छन् । सिआईवीका डिआइजी पुस्कर कार्कीका अनुसार, चीरुको रौं तिब्बतबाट अवैध रुपमा निकासी गरी नेपालको बाटो हुँदै भारत जान्छ अनि बाघको छाला र हड्डी नेपालको बाटो हुँदै तिब्बत पुग्छ । त्यहाँबाट तेस्रो मुलुकमा समेत पुग्ने गरेको छ । यसलाई हेर्दा वन्यजन्तुसँग सम्वन्धित अपराध नेपाल, भारत र चीनसँग अन्तरसम्वन्धित रहेको देखिन्छ ।
नेपाल प्रहरीका पूर्व नायव महानिरीक्षक हेमन्त मल्लका अनुसार, २० प्रतिशत नेपालका वन्यजन्तु शिकारी हुने गरेपनि ८० प्रतिशत वन्यजन्तुको आखेटोपहार बाहिरबाट यहाँ आउँछ र नेपालको बाटो भएर अन्यन्त्र पुर्याइन्छ । यसमा स्थानीय व्यक्तिदेखि अन्तर्राष्ट्रिय गिरोहको तहगत संलग्नता रहेको प्रहरी अनुसन्धानबाट पत्ता लागेको छ ।
यसमा खटिने अन्तर्राष्ट्रिय गिरोहले दुर्लभ वन्यजन्तु र वनस्पतीको जानकारी दिने, चोरी शिकारी गर्ने, दलाली अर्थात मध्यस्थकर्ता गर्ने र विदेशमा निकासी गर्ने गर्छन् ।
कानूनी व्यवस्था
वन्यजन्तुको कारोबारलाई राष्ट्रिय निकुञ्ज तथा वन्यजन्तु संरक्षण ऐन २०२९ तथा साइटिस महासन्धी १९७५ विरुद्धको अपराध मानिन्छ । जसअनुसार, गैरकानूनी तरिकाले संरक्षित वन्यजन्तु मार्ने, घाइते बनाउने, खरिद विक्रि गर्ने, हन्तान्तरण गरी लिने दिने तथा वन्यजन्तुको आखेटोपहार राख्ने, खरिद विक्रि गर्ने, ओसारपसार गर्ने व्यक्तिलाई ५ लाख रुपैयाँ देखि १० लाख रुपैयाँसम्म जरिवाना वा ५ बर्ष देखि १५ बर्ष सम्म कैद वा दुवै सजाय हुन सक्छ ।
समन्वयको अभाव
वन्यजन्तु संरक्षणका लागि भनेर नेपाली सेना हरेक संरक्षण क्षेत्रमा सशक्त एवं व्यवस्थितरुपमा परिचालित छ । नेपाल प्रहरीको केन्द्रीय अनुसन्धान ब्युरो (सिआइबी)ले आन्तरिक संरचनामा वन्यजन्तु अपराध अनुसन्धानको लागि छुट्टै पिलर नै गठन गरेर वन्यजन्तु अपराध तथा आखेटोपहार ओसारपसार नियन्त्रणमा खटिएको छ । क्षेत्रीय स्तरमा क्षेत्रीय अनुसन्धान ब्युरो आरआइटीको स्वरुपमा सक्रिय छ । नेपाल प्रहरीका जिल्ला कार्यालय एवम् स्थानीय इकाइहरु, जिल्ला बन कार्यालय लगाएत सक्रिय छन् । तर बिभाग, राष्ट्रिय निकुञ्ज तथा वन्यजन्तु संरक्षण बिभाग, जिल्ला वन कार्यालय, स्थानीय नेपाल प्रहरी इकाई, संरक्षणक्षेत्र (निकुञ्ज, (वन्यजन्तु आरक्ष) कार्यालय आदीबीच हुनुपर्ने समन्वय अभाब देखिएको छ । सिआईवी प्रमुख कार्कीका अनुसार, प्रकृती संरक्षणमा लागेका सवै पक्षले आ–आफ्नो जिम्मेवारी इमान्दारिताका साथ निर्वाह गर्ने हो भने पक्कै पनि यो क्षेत्रमा सुधार देखिन्छ ।
रोल्पाका देवराज बुढामगर गाउँकै साधारण किसान हुन् । परिवर्तन गाउँपालिका–४ पाथावाङ निवासी देवराजका ६ छोरी र एक छोरा सरकारी जागिरे छन् । छोराको आसमा ६ छोरी जन्माए देवराज र उनकी श्रीमती नन्दाले । हुन पन...
२०५८ साल वसन्त ऋतुको समय । घमाइलो त्यो समयमा एउटा फूल काँडाको बाटो डोरिँदै थियो । बहकाउ र त्रासमा १३ वर्षको बालक सत्तालाई बन्दुक नाल तेर्स्याउन कस्सिएको थियो । लहडमा हिँडेको बाटोमा न ऊ फुल्न पायो, न ओइलियो ।...
श्रीमान्–श्रीमती नैं शाखा अधिकृत, त्यो पनि एकसाथ । यस्तो सुखद संयोग सरकारी सेवामा प्रवेश गर्न चाहनेमध्ये कमैलाई मात्र जुर्ने गर्छ । तर, गुल्मीको धुर्कोट गाउँपालिका वडा नम्बर–६ का सुरेन्द्र पाण्डे र रमित...
प्रगतिशील राजनीतिको 'फ्रन्टलाइन'मा देखिने नेताहरू जति कठोर हुन्छन्, त्यो भन्दा बढी ‘इमोसनल र सेन्टिमेन्टल’ पनि हुन्छन् । त्यस्तै ‘इमोसनल फिलिङ्स’का बाबजुद परिस्थितिले कठोर बन्दै गएक...
भगवान् गौतम बुद्धको जन्मस्थल लुम्बिनी विश्वकै लागि शान्तिक्षेत्र हो । यो क्षेत्र आउँदो महिना विशेष हुने भएको छ । विश्वकै प्रतिष्ठित र ठूलो पुरस्कार मानिने नोबेल पुरस्कार विजेताहरूको जमघट हुने भएपछि विशेष हुन लागेक...
समय : आइतवार बिहान ७ बजे स्थान : नलगाड नगरपालिका, १ चिउरी, जाजरकोट (भूकम्पले सबैभन्दा धेरै क्षति पुर्याएको ठाउँ) ‘मेरी आमालाई किन यस्तो भयो ? मलाई पनि बाँच्न मन छैन,...
मानव स्वभाव प्रायः म र मेरो भन्ने हुन्छ । जस्तोसुकै आदर्शको कुरा गरे पनि, जतिसुकै महान देखिन खोजे पनि यी म र मेरोमा अलिकति धक्का लाग्नेबित्तिकै, ढेस पुग्नेबित्तिकै त्यस्ता आदर्श र महानता कुन सड्को ‘फू&rsquo...
२०६२ सालपछिको कुरा हो, अख्तियार दुरूपयोग अनुसन्धान आयोगका एकजना उपसचिव र एकजना शाखा अधिकृत कम्पनी रजिष्ट्रारको कार्यालयमा सरुवा भएर गए । यति मात्र होइन, राष्ट्रिय सतर्कता केन्द्रका एक उपसचिव पनि सोही कार्यालयमा...
धेरै पहिलेको कुरा हो एक जना सज्जनका दुई भाइ छोरा थिए । उनीहरूबीच निकै मिल्ती थियो । एकपटक भगवान्ले आएर वरदान माग भनेकाले उनीहरूले अमरताको वर मागेका थिए । उनीहरूको कुरा सुनेर भगवान्ले भने– ‘...