फागुन २७, २०८०
अभिनेता प्रदीप खड्का फेरि अर्को फिल्ममा अनुबन्धित भएका छन् । लामो समयदेखि बेलायत बस्दै आएका निर्देशक प्रदीप शाहीको निर्देशनमा बन्ने नयाँ फिल्ममा उनको शीर्ष भूमिकामा अभिनय रहने भएको हो । गतवर्ष प्रदर्शनमा...
काठमाडौं — पेट्टा फिल्मको अडियो सार्वजनिक हुने समयमा निर्देशक कार्तिक सुब्बाराजले रजनीकान्तका प्रशंसकको प्रेमका साथ बनेको फिल्म भनेका थिए र त्यो पूरै सत्य हो । पेट्टाले सुपरस्टार रजनीकान्तलाई पूजा नै गरेको छ ।
निर्देशकले हामीलाई सन् १९९० को दशकमा लग्छन् र त्यतिखेरका रजनीकान्तलाई हिजोआज खुबै मिस गरिएको थियो । धेरैजसो दृश्यहरू, हाउभाउहरू, संवादहरू र गीतहरूले हामीलाई उनका ब्लकबस्टर फिल्महरूको सम्झना दिलाउँछन् ।
फिल्मका पात्रका नाम पनि रजनीकान्तका अघिल्ला फिल्महरूबाट प्रेरित छन् । रजनीकान्तको नाम काली राखिएको छ र उनी पेट्टाका एक छात्रावास सञ्चालक हुन् । रजनीलाई जे महेन्द्रनको फिल्म मुल्लुम मालारुममा काली नामक पात्र दिइएको थियो र त्यो फिल्म रजनीको करीयरको कोशेढुंगा मानिएको थियो । वास्तवमा त्यो फिल्मलाई क्रान्तिकारी नै भनिएको थियो ।
पेट्टा फिल्मले विगतका धेरै सम्झनाहरू दिलाउँछ । धेरै वर्षपछि तपाईंले वाई जी महेन्द्रलाई देख्न पाउनुहुन्छ । उनी पहिलेपहिले रजनीकान्तको फिल्महरूमा बाक्लै भेटिन्थे । तर यो फिल्ममा महेन्द्र र रजनीको सँगै दृश्य छैनन् ।
फिल्ममा हामी कालीको परिचय पाउँछौं । उनी कलेजको राजनीति र –यागिङलाई डील गर्छन् । फिल्मको पहिलो हाफ मज्जाको छ (तर शुरूआतमा हामीलाई फिल्ममा भिज्न समय लाग्छ) । खुशीले चुर रजनीकान्त फिल्मा नाच्छन्, हाँस्छन्, मुस्कुराउँछन् र के के मात्र गर्दैनन् ? कार्तिक सुब्बाराजले प्रत्येक शटलाई रजनीकान्तको उग्र प्रशंसकका रूपमा खिचाएका छन् ।
रजनीकान्तले फिल्ममा यस्तो जादू देखाएका छन् जसलाई व्याख्या गर्न गाह्रो छ । कालो चश्मा घुमाउने, चुरोट उडाउने जस्ता रजनीकान्तका प्रत्येक स्टाइललाई फिल्ममा राखिएको छ । तर तपाईंले रजनीकान्तबाट यस्तो संवादको अपेक्षा पक्कै गर्नुभएको थिएन होला, ‘चुरोट पिउनु स्वास्थ्यका लागि राम्रो हैन र म आफ्नो अनुभवबाट यो कुरा भन्दैछु ।
महत्त्वपूर्ण कुरा के हो भने निर्देशकले सुपरस्टार रजनीकान्तको हैसियतलाई न्याय गर्ने पटकथा तयार पारेका छन् (जुन कुरा कबाली र कालामा थिएन) । अनि रजनीकान्तका इमान्दार प्रशंसकहरूको भावनालाई पनि उनले कदर गरेका छन् । तीव्र गतिका एक्सन दृश्य र छोटाछोटा अनि रमाइला कमेडी दृश्यहरूमा रजनीकान्त चम्किएका छन् । उनले अघिल्लो पुस्ताका दर्शकलाई स्वच्छ हास्यमार्फत दिएको मनोरञ्जनलाई यस फिल्ममा कायम राखिएको छ ।
पेट्टामा थुप्रै एक्सन र रमाइला दृश्यहरू छन् अनि रजनीका उग्र प्रशंसकहरूले खोज्ने पनि त्यही नै हो । फिल्मको कथा एक होस्टल वार्डेनको वरिपरि घुमेको छ जसको विगत अविस्मरणीय छ । उनको परिवारको हत्या गर्नेहरूमाथि
उनले लिएको बदलामा कथा केन्द्रित छ । रजनीकान्त निःसन्देह रूपमा आफ्नो स्टाइलमा फर्केका छन् । उनले मात्रै होस्टल वार्डेनको यस्तो चरित्र निर्वाह गर्न सक्थे ।
दोस्रो हाफमा कालीको जीवनको फ्ल्याशब्याक देखाइन्छ । सिंगार सिंह (नवाजुद्दीन सिद्दीकी) र जितु (विजय सेतुपति) का बारेमा यहाँ थाहा पाइन्छ । उनीहरू कसरी एकअर्कासँग जोडिएका हुन् भन्ने यहाँ थाहा लाग्छ ।
रजनीकान्तको फिल्ममा उनी नै हावी हुने भए तैपनि सेतुपतिले आफ्नो अभिनयमार्फत दर्शकको ध्यान खिच्न सफल भएका छन् ।
नवाजुद्दीनलाई अझै बढी भूमिका दिइनुपर्थ्यो जस्तो चाहिँ लाग्छ । अभिनेत्रीहरूलाई चाहिँ फिल्ममा खासै भूमिका दिइएको छैन ।
रजनीकान्त अहिले राजनीतिमा पनि आएका छन् र यस फिल्मका केही संवादले राजनीति झल्काएको पाइन्छ । संवाद र गीतका शब्दहरूमा राजनीतिको गन्ध भेटिन्छ ।
फिल्म : पेट्टा
कलाकार : रजनीकान्त, विजय सेतुपति, नवाजुद्दीन सिद्दीकी, शशीकुमार, सिमरन आदि
निर्देशक : कार्तिक सुब्बाराज
विधा : एक्सन
रेटिङ : ३/५
दी इन्डियन एक्सप्रेसमा प्रकाशित एस शुभकीर्तनको समीक्षाको भावानुवाद
अभिनेता प्रदीप खड्का फेरि अर्को फिल्ममा अनुबन्धित भएका छन् । लामो समयदेखि बेलायत बस्दै आएका निर्देशक प्रदीप शाहीको निर्देशनमा बन्ने नयाँ फिल्ममा उनको शीर्ष भूमिकामा अभिनय रहने भएको हो । गतवर्ष प्रदर्शनमा...
कवि उपेन्द्र सुब्बाको दोस्रो निर्देशकीय फिल्म ‘मनसरा’को ट्रेलर सार्वजनिक भएको छ । काठमाडौंमा बुधवार आयोजित एक कार्यक्रमबीच सार्वजनिक ट्रेलर सार्वजनिक गरिएको हो । चार मिनेट लामो ट्रेलरमा य...
‘लुट’बाट सेलिब्रिटी निर्देशकको छवि बनाएका निश्चल बस्नेत निर्देशित आगामी चलचित्र ‘दिमाग खराब’ यही शुक्रवारबाट प्रदर्शनमा आउँदैछ । तिहारको अवसर पारेर प्रदर्शनमा आउन लागेको चलचित्...
अभिनेता राजेश हमालबारे नकारात्मक टीकाटिप्पणी कमै हुने गरेको छ । सामाजिक सञ्जालमा पनि उनीबारे आलोचना गरेको खास्सै पाइँदैन । तर, यसपटक भने फेसबुक पोष्टमा राजेशले आलोचना खेपेका छन् । उनले फेसबुकमा ...
अहिलेका सर्वाधिक हिट अभिनेता हुन् दयाहाङ राई । उनि अभिनीत एकपछि अर्को फिल्मले हलमा राम्रो व्यापार गरेका छन् । यसवर्ष पनि उनको शीर्ष भूमिका रहेको ‘जारी’ र ‘नाङ्गो गाउँ’ले राम्र...
बडा दशैँको अवसर पारेर गत शुक्रवारबाट प्रदर्शनमा आएको नारायण रायमाझी निर्देशित चलचित्र ‘परदेशी २’ले दर्शकबाट सुखद् प्रतिक्रिया पाइरहेको छ । हलबाट निस्किँदै गरेका दर्शकहरूले आजको नेपाली समा...
मानव स्वभाव प्रायः म र मेरो भन्ने हुन्छ । जस्तोसुकै आदर्शको कुरा गरे पनि, जतिसुकै महान देखिन खोजे पनि यी म र मेरोमा अलिकति धक्का लाग्नेबित्तिकै, ढेस पुग्नेबित्तिकै त्यस्ता आदर्श र महानता कुन सड्को ‘फू&rsquo...
२०६२ सालपछिको कुरा हो, अख्तियार दुरूपयोग अनुसन्धान आयोगका एकजना उपसचिव र एकजना शाखा अधिकृत कम्पनी रजिष्ट्रारको कार्यालयमा सरुवा भएर गए । यति मात्र होइन, राष्ट्रिय सतर्कता केन्द्रका एक उपसचिव पनि सोही कार्यालयमा...
धेरै पहिलेको कुरा हो एक जना सज्जनका दुई भाइ छोरा थिए । उनीहरूबीच निकै मिल्ती थियो । एकपटक भगवान्ले आएर वरदान माग भनेकाले उनीहरूले अमरताको वर मागेका थिए । उनीहरूको कुरा सुनेर भगवान्ले भने– ‘...