मंसिर १५, २०८०
नेपाली कांग्रेसका केन्द्रीय सदस्य डा. चन्द्र भण्डारीले समस्त कांग्रेसजन र नेपाली जनताले डा. शेखर कोइरालालाई एक पटक कांग्रेस सभापति भएको हेर्न चाहेको बताएका छन् । कोइराला वर्तमान र भविष्य हेर्न सक्ने नेता भएको उ...
काठमाडौं – संस्कृति, पर्यटन तथा नागरिक उड्यन मन्त्री रविन्द्र अधिकारीले मन्त्रीको रूपमा जिम्मेवारी सम्हालेको एक वर्ष पुग्दै थियो । २०७४ चैत २ मा कार्यकाल सम्हालेका रविन्द्र आफ्नो एक वर्षे कार्यकालमा भएका उपलब्धिहरूको फेहरिस्त सार्वजनिक गर्ने तयारीमा थिए ।
चैत २ मा सार्वजनिक गर्ने तयारीसहित प्रगति विवरण लगभग तयार भएको थियो । मन्त्रालयका अधिकारीहरूले प्रगति विवरणलाई सम्पादन गरिरहेका थिए । त्यसलाई केही दिनभित्रै अन्तिम रूप दिइँदै थियो । तर दुर्भाग्य! त्यसको १७ दिन अगाडि फागुन १५ का दिन उनको दुःखद् निधन भयो ।
तेह्रथुमको चुहानडाँडामा विमानस्थलको सम्भाव्यता अध्ययन गरी ताप्लेजुङको पाथीभरा मन्दिरमा दर्शन गरेर फर्किने क्रममा उनी चढेको हेलिकप्टर दुर्घटनामा पर्यो । दुर्घटनामा मन्त्री अधिकारीसहित ७ जनाले ज्यान गुमाए ।
आफूले गरेका राम्रा कामहरूको सूचीमा हस्ताक्षर समेत गर्न नपाउँदै रविन्द्रले हामीलाई छाडेर गएका छन् ।
यस्तो छ प्रगति विवरण
मन्त्री रविन्द्र अधिकारीको कार्यकालमा त्रिभुवन अन्तर्राष्ट्रिय विमानस्थलका अतिरिक्त तीनवटा विमानस्थलमा रात्रिकालीन उडान सेवा शुरू गरिएको छ । सो विषय मन्त्रालयको प्रगति विवरणमा समावेश गरिएको छ । मन्त्रालयका अनुसार झापाको भद्रपुर र कैलालीको धनगढी विमानस्थलमा रात्रिकालीन उडान शुरू गरिएको हो । यस्तै जनकपुर विमानस्थलमा पनि रात्रिकालीन उडान शुरू गर्ने तयारी मन्त्रालयले गरेको थियो ।
गौतम बुद्ध विमानस्थलको भौतिक प्रगति ६७ प्रतिशत सम्पन्न भएको विवरणमा उल्लेख गरिएको छ । त्यस्तै पोखरा क्षेत्रीय अन्तर्राष्ट्रिय विमानस्थलको भौतिक प्रगति २७ प्रतिशत भएको छ ।
त्यसैगरी १ सय १४ वटा सम्पदा पुनर्निर्माण भएका र पर्यटक आगमन समेत १२ लाख पुगेको मन्त्रालयको एक वर्षको प्रगति विवरणमा उल्लेख गरिएको छ । मन्त्री रविन्द्र अधिकारीकै कार्यकालमा थप १० वटा विमानस्थल सञ्चालनमा आएका मन्त्रालयका प्रगति विवरणमा उल्लेख गरिएको छ । ‘विभिन्न कारणले विगत लामो समयदेखि सञ्चालनमा आउन नसकेका थप १० वटा विमानस्थल सञ्चालनमा आएका छन्,’ मन्त्रालयको प्रगति विवरणमा भनिएको छ ।
त्यस्तै सयवटा नयाँ गन्तव्य घोषणा समेत मन्त्री अधिकारीले कार्यकाल सम्हालेपछि नै भएको मन्त्रालयको जानकारी दिएको छ ।
त्रिभुवन अन्तर्राष्ट्रिय विमानस्थल स्तरोनतिको काम ४० प्रतिशत सम्पन्न भएको छ । त्रिभुवन अन्तार्राष्ट्रिय विमानस्थलको रनवे र धवनमार्गमा पानी जम्मा हुने समस्या रहेको थियो । त्यसको स्तरोनतिको काम समेत सम्पन्न हुने आवस्थामा रहेको मन्त्रालयले जानकारी दिएको छ । त्यस्तै पार्किङवे विस्तारको काम समेत मन्त्रीको कार्यकालमै अघि बढेको मन्त्रालयका अधिकारीहरू बताउँछन् ।
दुई कार्यविधि मन्त्रिपरिषद्मा
मन्त्री अधिकारीले तयार पारेको प्रगति विवरणमा त्रिभुवन अन्तर्राष्ट्रिय विमानस्थललाई बुटिक एयरपोर्ट घोषणा गर्ने तयारी भएको उल्लेख छ । त्यसका लागि आवश्यक कार्यविधि समेत बनेको र सो कार्यविधि प्रधानमन्त्री तथा मन्त्रिपरिषद्को कार्यलयमा पेश गरिएको छ । आगामी १ वैशाखमा त्रिभुवन अन्तर्राष्ट्रिय विमानस्थललाई बुटिक एयरपोर्ट घोषणा गर्ने कार्यक्रम छ ।
मन्त्रिपरिषद्मा पेश गरिएको कार्यविधि त्यहाँबाट स्वीकृत भएपछि विमानस्थललाई बुटिक एयरपोर्टका रूपमा रुपान्तरणका लागि ढोका खुल्ने र आगामी १ वैशाखमा बुटिक एयरपोर्ट घोषणा गर्ने कार्यक्रम रहेको मन्त्रालयले जनाएको छ । त्यस्तै ‘भ्रमण वर्ष २०२०’को कार्यविधि समेत प्रधानमन्त्री तथा मन्त्रिपरिषद्को कार्यलयमा पेश गरिएको छ ।
सो कार्यविधि समेत स्वीकृतिको चरणमा रहेको मन्त्रालयले जानकारी दिएको छ । सो कार्यविधि स्वीकृत भएपछि भिजिट नेपालको अभियान शुरू हुने मन्त्रालयका अधिकारीहरूको भनाइ छ ।
‘दैवले हस्ताक्षर गर्न दिएन’
संस्कृति, पर्यटन तथा नागरिक उड्ड्यन मन्त्रालयका सचिव मोहनकृष्ण सापकोटाले मन्त्रालयले एक वर्षको प्रगति विवरण तयार पारेको बताए । सापकोटाले केही दिनमै प्रगति विवरण सार्वजनिक गर्ने तयारी भइरहेका बेला घटना हुन पुगेको र अब चैत पहिलो सातासम्म प्रगति विवरण सार्वजनिक गरिने बताए ।
‘मन्त्रालयले एक वर्षको प्रगति विवरण तयार गर्ने क्रममा रहेको थियो,’ उनले लोकान्तरसँग भने, ‘त्यसका लागि विवरण तयार भएपनि त्यसमा मन्त्रीज्यूको हस्ताक्षर गर्न बाँकी थियो । दैवले हस्ताक्षर समेत गर्न दिएन ।’
नेपाली कांग्रेसका केन्द्रीय सदस्य डा. चन्द्र भण्डारीले समस्त कांग्रेसजन र नेपाली जनताले डा. शेखर कोइरालालाई एक पटक कांग्रेस सभापति भएको हेर्न चाहेको बताएका छन् । कोइराला वर्तमान र भविष्य हेर्न सक्ने नेता भएको उ...
जसपाबाट उपराष्ट्रपतिमा रामसहाय यादवको उम्मेदवारी कायम भएको छ। सत्ता गठबनधनको तर्फबाट उपराष्ट्रपतिको उम्मेदवार बनाइएका जसपा नेता रामसहाय प्रसाद यादवको उम्मेदवारी निर्वाचन आयोगले कायमै राख्ने ...
नेपाली कांग्रेसका केन्द्रीय सदस्य तथा सांसद डा. चन्द्र भण्डारीले पार्टी सभापति शेरबहादुर देउवाले अब नेतृत्व छाड्नुपर्ने बताएका छन् । पार्टीको लुम्बिनी प्रदेश सम्मेलनमा शनिवार बोल्दै भण्डारीले देउवाले अब...
नेकपा एमालेको भ्रातृ संगठन राष्ट्रिय युवा संघ नेपाल लुम्बिनी प्रदेश कमिटीको अध्यक्षमा रुपन्देही देवदहका सुरज खरेल निर्विरोध निर्वाचित भएका छन् । प्रथम अधिवेशनबाट उनी अध्यक्ष पदमा सर्वसम्मत निर्वाचित भएका हुन् । ...
नेकपा (एकीकृत समाजवादी)का अध्यक्ष माधवकुमार नेपालले कोशी प्रदेशमा सर्वदलीय सरकारको आवश्यकता रहेको बताएका छन् । विराटनगर विमानस्थलमा शनिवार सञ्चारकर्मीहरूसँग कुराकानी गर्दै पूर्वप्रधानमन्त्रीसमेत रहेका न...
मेडिकल व्यवसायी दुर्गा प्रसाईं र नेकपा (एमाले)का नेता महेश बस्नेतले काठमाडौं उपत्यकामा बिहीवार छुट्टाछुट्टै प्रदर्शन गर्ने भएपछि सुरक्षा निकायहरू यतिबेला ‘हाई अलर्ट’मा छन् । नेपाल प्रहरीले प्...
नेपालको निजामती सेवा (समग्र प्रशासन) कम व्यावसायिक भएको आरोप लाग्दै आएको छ । कर्मचारीहरूमा बुझाइको स्तर सतही देखिन थालेको छ । सकारात्मक सोच पनि खस्किएको छ । प्रस्तुतिमा आत्मविश्वास होइन, हीनभावना देखिन थालेको ...
निरन्तर १८ वर्ष लामो कन्जरभेटिभ पार्टीको सरकारलाई विस्थापित गर्दै लेबर पार्टीका नेता टोनी ब्लेयर सन् १९९७ को मे २ मा बेलायतको प्रधानमन्त्री बन्न सफल भएका थिए । लेबर पार्टीका नेता जोन स्मिथको निधनपश्चात पार्टीको ...
जनता समाजवादी पार्टीमा आएको विभाजन पहिलो पनि होइन र अन्तिम पनि होइन । राजनीतिक दलमा आएको विभाजनको लामो शृङ्खला हेर्ने हो भने पनि यो न पहिलो हो, न अन्तिम । दुःखद् कुरा के भने राजनीतिक दल विभाजनको नयाँ कोर्...