जन्मदिनमा बालकले गरे क्यान्सर पीडित क्याम्पस प्रमुखलाई आर्थिक सहयोग

खोटाङको हलेसी तुवाचुङ नगरपालिका–५ दुर्छिमका बालक समृद्ध राईले आफ्नो जन्मदिनको अवसरमा गरिने खर्च क्यान्सरपीडित क्याम्पस प्रमुखलाई आर्थिक सहयोग गरेका छन् ।

काठमाडौंको विद्या संस्कार (साविकको चेल्सी इन्टरनेसनल स्कूल) को ३ कक्षामा अध्ययनरत समृद्धले ८ वर्ष पूरा गरी ९ वर्ष प्रवेश गरेको अवसरमा बिहीवार जीपी मेमोरियल कलेज चाबहिल काठमाडौंका क्याम्पस प्रमुख मोहनराज राईलाई नगद ८ हजार रुपैयाँ आर्थिक सहयोग गरे ।

काठमाडौंस्थित ओम अस्पतालमा उपचार गराइरहेका क्याम्पस प्रमुख राईलाई शीघ्र स्वास्थ्यलाभको कामनासहित समृद्धले आर्थिक सहयोग गर्दै जन्मदिन मनाएको आमा रिंकु राईले जानकारी दिइन् ।

बालक राईले उपेन्द्रनाथ तिम्सिनामार्फत क्याम्पस प्रमुख राईकी पत्नी शान्ता राईलाई सहयोग रकम हस्तान्तरण गरेकी छन् ।