गत सोमबार बसेको मन्त्रिपरिषद् बैठकको निर्णय सार्वजनिक भएको छ । सरकारका प्रवक्ता तथा सञ्चार तथा सूचना प्रविधि मन्त्री ज्ञानेन्द्र बहादुर कार्कीले आज पत्रकार सम्मेलन आयोजन गरी मन्त्रिपरिषद्का निर्णय सार्वजनिक गरेका हुन् ।

मन्त्रिपरिषद् बैठकले आगामी वैशाख ३० गते देशभर एकै चरणमा स्थानीय तहको  निर्वाचन गर्ने लगायत विभिन्न १३ वटा निर्णय गरेको कार्कीले बताए । 

मन्त्रिपरिषद्ले धितोपत्र दर्ता तथा निष्काशन (पाँचौ संशोधन) नियमावली २०७८ स्वीकृत गर्ने निर्णय गरेको उनले बताए । 

त्यसैगरी, विराटनगर नगरपालिका वडा नं. १८ हिमालयन कृषि फार्मलाई केन्द्रबिन्दु मानेर बर्ड फ्लू रोग प्रभावित क्षेत्र घोषणा गर्ने निर्णय भएको उनले बताए ।

सरकारले राष्ट्रिय परिचयपत्र तथा पञ्जीकरण (पहिलो संशोधन) नियमावली २०७८ स्वीकृत गर्ने निर्णय भएको कार्कीले बताए । 

यस्ता छन् मन्त्रिपरिषद्ले गरेका विभिन्न निर्णयहरू