बसको ठक्करबाट महिलाको मृत्यु

कञ्चनपुर भीमदत्त नगरपालिका–५ शान्ति निकेतन चोकमा सोमवार बसले ठक्कर दिँदा एक महिलाको मृत्यु भएको छ । ना ४ ख ४४६६ नम्बरको बसले ठक्कर दिँदा मञ्जु बुडालको घटनास्थलमै मृत्यु भएको प्रहरीले जनाएको छ ।

जिल्ला प्रहरी कार्यालयका प्रहरी नायव उपरीक्षक चक्रबहादुर शाहका अनुसार बजारबाट सामान खरिद गरी बुडालले सडक पार गर्ने क्रममा बसले ठक्कर दिएको हो । 

ठक्कर दिने बसका चालक फरार रहेका छन् । प्रहरीले चालकको खोजी गरिरहेको छ ।