चितवनको भरतपुरमा बुधवार ४६ भूमिहीन दलित घरपरिवारलाई जग्गाधनी प्रमाण पूर्जा (लालपूर्जा) वितरण गरिएको छ । 

भरतपुर महानगरपालिका–२ का भूमिहीन दलित परिवारलाई लालपूर्जा वितरण गर्दै नेकपा माओवादी केन्द्रका अध्यक्ष पुष्पकमल दाहाल प्रचण्डले विकास निर्माण, समृद्धि र सुकुम्वासी समस्या समाधान गर्ने काममा हातेमालो गर्न सबैलाई आग्रह गरे । 

कार्यक्रममा भूमि व्यवस्था सहकारी तथा गरिबी निवारण मन्त्री शशी श्रेष्ठले संविधानमा भएका कुरा कार्यान्वयन गर्न आफूहरू प्रतिबद्ध भएर लागिरहेको बताए । 

यसअघि सिन्धुली जिल्लाको दुधौली नगरपालिका–९ को मुसहर बस्तीमा १०६ भूमिहीन दलित घरपरिवारलाई लालपूर्जा वितरण गरिसकिएको छ । 

आफूले मन्त्रालय सम्हालेपछि चार महिनाको अवधिमा गाउँब्लकमा रहेका २० हजारभन्दा बढी घरपरिवारलाई लालपूर्जा वितरण गरिसकिएको मन्त्री श्रेष्ठको दाबी छ ।