निर्वाचन घोषणापत्रबारे छलफल गर्न कांग्रेस कार्यसम्पादन समितिको बैठक बस्दै

नेपाली कांग्रेसको केन्द्रीय कार्यसम्पादन समितिको बैठक बस्न लागेको छ । 

स्थानीय तह निर्वाचनको घोषणापत्रबारे छलफल गर्न केन्द्रीय कार्यसम्पादन समितिको बैठक बस्न लागेको हो । 

बैठक दिउँसो २ बजे पार्टी केन्द्रीय कार्यालय सानेपामा बोलाइएको छ । 

कांग्रेसले महामन्त्री गगन थापाको संयोजकत्वमा निर्वाचन घोषणापत्र तयारी समिति बनाएको थियो । 

थापा नेतृत्वको समितिले विभिन्न क्षेत्रका विज्ञ र पार्टीभित्रबाट घोषणा पत्रमा समेटिनुपर्ने विषयको बारेमा सुझाव संकलन गरेर घोषणा पत्र तयारीको काम गरिरहेको छ । 

कांग्रेस आगामी वैशाख ११ गते घोषणा पत्र जारी गर्ने तयारी गरेको छ ।