प्रतिनिधिसभाको उपसभामुख पदमा हालै निर्वाचित पुष्पा भुसालले आइतवार शपथ ग्रहण गर्ने भएकी छन् । आइतवार दिउँसो ४ बजे राष्ट्रपति निवास शीतल निवासमा आयोजना गरिने एक कार्यक्रममा उनले पद तथा गोपनीयताको शपथ ग्रहण गर्ने छिन् । 

उनी शुक्रवार उपसभामुख पदमा निर्वाचित भएकी थिइन् । पाँच दलीय गठबन्धनको साझा उम्मेदवारको रूपमा नेपाली कांग्रेसकी सांसद भुसाल उपसभामुख पदमा निर्वाचित भएकी हुन् । नेकपा एमालेकी विद्या भट्टराईलाई पराजित गर्दै उनी उपसभामुख पदमा निर्वाचित भएकी थिइन् । उनले प्रतिनिधिसभाका १ सय ४८ सांसदको समर्थन पाएकी थिइन् ।