×

X
Nic Asia
Dabur
Khukuri

प्रतिनिधिसभा निर्वाचन

खनाल र नेम्वाङको विरासत जोडिएको इलामको चुनावी हिसाब– एमाले विभाजनले उल्टिएला नतिजा ?

विराटनगर | साउन २९, २०७९

NTC
Argakhanchi Cement
Premier Steels
TVS INSIDE

सरकारले प्रतिनिधिसभा र प्रदेशसभा निर्वाचनको मिति घोषणा गरेपछि पूर्वी पहाडी जिल्ला इलाममा पनि चुनावी चहलपहल बढेको छ । पहाडको चिसोलाई चुनावी माहोलले तताउँदै लैजान थालेको छ । 

LAxmi BAnk
nabil BANK inside

पूर्व प्रधानमन्त्री झलनाथ खनाल र संविधानसभाका अध्यक्ष एवं पूर्व सभामुख सुवास नेम्वाङको परम्परागत निर्वाचन क्षेत्र रहेको इलाममा यी दुईको भविष्यलाई लिएर नै बढी चर्चा भइरहेको हो ।


Advertisment
RMC TANSEN
cg elex island
NIC ISLAND BOX

लामोसमय एउटै पार्टीबाट राजनीति गरेका दुई सहकर्मी अहिले अलग–अलग पार्टीमा छन् । एमालेका पूर्व अध्यक्ष झलनाथ खनाल नेकपा एकीकृत समाजवादीका सम्मानित नेता हुन् भने नेम्वाङ एमालेको उपाध्यक्ष छन् ।

२०४८ सालयताका ६ वटा निर्वाचनमध्ये ५ पटक चुनाव जितेका खनालको यसपटकको चुनावी यात्रालाई फरक ढंगबाट विश्लेषण गर्न थालिएको छ ।


Advertisment
Saurya island

इलामको क्षेत्र नम्बर १ बाट चुनाव लड्दै आएका खनाल २०५६ सालमा पराजित भएका थिए । ०४८ र ०५१ म जितेका खनाल त्यसपछि ०६४, ०७० र ०७४ सालको चुनावमा लगातार जितेर ह्याट्रिक गर्न सफल भए ।

तर, परम्परागत रूपमा जित्दै आएको पार्टी र चुनाव चिह्न अहिले खनालको साथमा छैन । उनले कलम चिह्नबाट प्रतिस्पर्धा गर्दा विपक्षमा सूर्य चिह्नबाहक उम्मेदवार खडा हुनेछन् ।

Vianet communication
IME BANK INNEWS

सूर्य त्यही चिह्न हो, कुनैबेला खनाल जसको सर्वेसर्वा (अध्यक्ष) थिए ।

०७४ सालको निर्वाचनमा इलाम निर्वाचन क्षेत्र नम्बर १ मा एमाले र माओवादीको गठबन्धन हुँदा खनाल ३६ हजार ८०५ मत ल्याएर विजयी बनेका थिए ।

उनका निकटतम् प्रतिद्वन्द्वी नेपाली कांग्रेसका भूपेन्द्र कट्टेलले १९ हजार ६३८ मत मात्रै ल्याए ।

यसपटक खनाल माओवादी र कांग्रेसको समर्थनमा फरक पार्टीबाट खडा हुनेछन् । 

वैशाख ३० गते सम्पन्न स्थानीय तह निर्वाचनको वडागत मतलाई नियाल्दा यो क्षेत्रबाट एमाले र कांग्रेसले हाराहारीमै मत ल्याएका छन् । झलनाथको पार्टी एकीकृत समाजवादी निकै मतान्तरले तेस्रो छ ।

यो क्षेत्रबाट एमालेले २६ हजार २३३ मत ल्याउँदा कांग्रेसले २५ हजार ७७२, एकीकृत समाजवादीले ९ हजार ४ सय ८१, जसपाले १ हजार ८२९ र माओवादीले १ हजार २३५ मत ल्याएका छन् ।

एकीकृत समाजवादीले यस क्षेत्रमा ६ वटा वडा र सूर्योदय नगरपालिकाको मेयर जितेको छ ।

खनालका लागि एउटा सुखद् कुरा के हो भने यस क्षेत्रमा एमालेबाट 'हेभीवेट' उम्मेदवार खडा हुने सम्भावना कम छ । अर्कातर्फ कांग्रेससहित गठबन्धन सहकर्मीहरूको सहयोग उनको साथमा हुनेछ ।

यस क्षेत्रमा एमालेबाट एमाले जिल्ला अध्यक्ष महेश बस्नेत र सूर्योदय नगरपालिकाको मेयरमा पराजित काजीमान कागतेको नाम चर्चामा छ । कागते यसअघि प्रदेशसभा सदस्य थिए । प्रदेशसभाबाट राजीनामा दिएर मेयरको उम्मेदवार बनेका उनी पराजित भए ।

उनलाई खनाल प्रधानमन्त्री हुँदा स्वकीय सचिव समेत रहेका नेकपा एकीकृत समाजवादीका नेता रणबहादुर राईले पराजित गरेका हुन् ।

गठबन्धन हुँदा खनालले टिकट पाउने भन्दै कांग्रेसका नेताहरू भने अहिलेसम्म चुपचाप छन् । 

एमाले फुट्दा जित्ने आंकलन गरेर बसेका कांग्रेस नेताहरूका लागि दाँतमा ढुंगा लागेझैँ भएको छ, यो क्षेत्र । ०५६ सालमा खनाललाई पराजित गर्ने बेनुपराज प्रसाईं कांग्रेस उम्मेदवार बन्नुपर्ने आवाज कांग्रेसमा उठेको छ ।

हार्नै नजानेका नेम्वाङले जित्लान् चुनाव ?

इलाममा २०५६ सालदेखि लगातार चुनाव जितेर सांसद बनिरहेका सुवास नेम्वाङले यसपटक के गर्लान् भन्ने विषयमा जिल्लाव्यापी रूपमा चासो छ । २०४८ र २०५२ मा गरी दुईपटक राष्ट्रिय सभाको अध्यक्ष, २०५६ को संसदीय निर्वाचनमा विजयी भएका सुवास नेम्वाङ मन्त्री बनिसकेका छन् भने दुईपटक संविधानसभाको अध्यक्ष पनि रहिसकेका छन् ।

०६४ सालको संविधानसभा निर्वाचन, ०७० को दोस्रो संविधानसभाको निर्वाचनमा पनि सोही निर्वाचन क्षेत्रबाट विजयी बनेका थिए ।  उनी ०७४ को संसदीय निर्वाचनमा माओवादी र एमालेबीचको गठबन्धनबाट विजयी बनेका थिए । उनले त्यसबेला ३६ हजार ५१७ मत ल्याएका थिए । उनका निकटतम प्रतिद्वन्द्वी नेपाली कांग्रेसका केशव थापाले २६ हजार ८६५ मत ल्याएका थिए । 

सो क्षेत्रमा अहिले कांग्रेस हौसिएको छ । एमाले फुटेको फाइदा उठाउने दाउमा कांग्रेस देखिन्छ । वाम किल्ला भनिएको यस क्षेत्रमा वामपन्थीकै मत लिएर चुनाव जित्ने रणनीतिमा कांग्रेस रहेको छ । कांग्रेसमा केशव थापा र भेषराज आचार्य उम्मेदवारका लागि चर्चामा छन् । यस्तै कांग्रेसका इलाम जिल्ला सभापति डम्बर खड्का पनि टिकटका लागि लबिङमा छन् ।

स्थानीय तह २०७९ को मत परिणाम अनुसार नेम्वाङको क्षेत्रमा वडाध्यक्षहरूले प्राप्त गरेको मत हेर्दा एमाले एक्लैले ३२ हजार ५२७ मत ल्याएको छ । यता गठबन्धन दलहरू कांग्रेस, माओवादी, नेकपा एस र जसपाको मत जोड्दा ३६ हजार ५६२ मत हुन आउँछ । गठबन्धनले यो मतलाई प्रतिनिधि सभामा पनि दोहोर्‍याउन सकेमा नेम्वाङका लागि मुस्किल पर्ने देखिन्छ ।

तर, आफ्नो राष्ट्रिय छवि र एमालेको बलियो संगठन उनका बलिया पक्ष हुन् ।

त्यसो त कतिपयले इलाममा खनाल र नेम्वाङबीच अघोषित रूपमा सहकार्य हुनसक्ने चर्चा पनि गर्छन् । फरक–फरक पार्टीमा रहे पनि यी दुई नेताको सम्बन्ध खासै तिक्ततापूर्ण छैन ।

पढ्नुहोस्, यो पनि :

Maruti inside
Mega
NLIC
TATA Below
ncc inside
मंसिर १८, २०७९

सहमहामन्त्री बद्री पाण्डेको जीतसँगै प्रतिनिधिसभामा प्रत्यक्षतर्फ नेपाली कांग्रेसको सीट संख्या ५७ पुगेको छ ।  आइतवार बिहान सम्पन्न मतगणनामा एमाले उम्मेदवार कर्ण थापालाई झण्डै साढे ५ हजार मतले पराजित गर्दै पा...

मंसिर १९, २०७९

२०७४ सालको प्रतिनिधिसभा चुनावमा सर्वाधिक धेरै मतान्तरसहित चुनाव जितेको दोलखा नेकपा एमालेले यसपटक गुमाएको छ ।  यसपटकको चुनावमा ३ सय १७ मतको अन्तरले एमाले उम्मेदवार पराजित भएका छन् ।  २०७४ ...

मंसिर १८, २०७९

प्रदेश १ मा प्रत्यक्षतर्फ चुनाव जित्ने सबैभन्दा कान्छा सांसद बनेका छन्, जीवन आचार्य । आचार्य नेकपा (माओवादी केन्द्र)का अध्यक्ष पुष्पकमल दाहाल ‘प्रचण्ड’का ज्वाइँ हुन् । निर्वाचन आयोगमा पेस गरेको कागजात अन...

मंसिर १८, २०७९

हाल देशमा उल्लेखनीय मौसमी प्रणाली नरहेको जल तथा मौसम पूर्वानुमान महाशाखाले जनाएको छ । महाशाखाका अनुसार आइतबार बिहानैदेखि पहाडी भूभागका एक दुई स्थानमा आंशिक बदली रहेको छ । तर, अन्य भूभागमा मौसम सामान्यतः ...

मंसिर १९, २०७९

गत वैशाखमा सम्पन्न स्थानीय निर्वाचनमा रूपन्देहीका १६ स्थानीय तहमध्ये १० पालिकामा नेपाली कांग्रेसले जीत निकाल्यो । २०७४ सालमा ८ पालिका जितेको नेकपा एमाले ३ वटा पालिकामा खुम्चिँदा कांग्रेसले आर्जन गरेको शक्तिले प्...

मंसिर १८, २०७९

प्रदेश नम्बर १ बाट प्रदेशसभा सदस्यमा प्रत्यक्षतर्फ  ५६ जना निर्वाचित भएका छन् । निर्वाचन आयोगका अनुसार एमालेबाट २५, नेपाली कांग्रेसबाट १७ र माओवादी केन्द्रबाट ९ जना प्रदेशसभा सदस्यमा निर्वाचित भएका हुन् । ...

मधेशमा सीके राउतको उदय भयो भनिहाल्नु हतारो हुन्छ : सीके लाल [कुराकानी]

मधेशमा सीके राउतको उदय भयो भनिहाल्नु हतारो हुन्छ : सीके लाल [कुराकानी]

मंसिर ९, २०७९

मधेश आन्दोलनबाट उदाएका राजनीतिक दलहरूको अहिले भएको हार स्वाभाविक नै हो । केही दिनपछि मान्छेमा वितृष्णा आउनु स्वाभाविक नै हो । मधेश आन्दोलनको आक्रोश मत्थर भएको छ । सबै आ-आफ्नै कामधन्दामा लागेका छन् । नुन, तेल,...

जनताको बीचमा रहेर काम गरेकाले मैले चुनाव जित्ने निश्चित छ– परशुराम बस्नेत [कुराकानी]

जनताको बीचमा रहेर काम गरेकाले मैले चुनाव जित्ने निश्चित छ– परशुराम बस्नेत [कुराकानी]

मंसिर १, २०७९

परशुराम बस्नेत प्रदेशसभा सदस्य उम्मेदवार, मोरङ, क्षेत्र नम्बर ६ (ख) म निर्वाचनमा उम्मेदवारी दर्तापछि विभिन्न अभियानमा सहभागी हुनका लागि बिहान ५ बजे उठ्छु । व्यस्तता बढी हुने भएकाले प्रायःजसो राति १ बजे सुत्छु ...

रुपन्देहीका सपनालाई विपनामा बदल्ने नेता विष्णु पौडेल

रुपन्देहीका सपनालाई विपनामा बदल्ने नेता विष्णु पौडेल

कात्तिक ३०, २०७९

डी.आर. घिमिरे पुराना बेठीक नयाँ ठीक भन्ने भाष्य अहिले नेपाली राजनीतिमा खडा गरिएको छ । निर्वाचनका सन्दर्भमा यो कति ठीक हो भन्ने समीक्षा गर्न पाँच वर्ष कुर्नुपर्ने अवस्था छ । तथापि फोहोर बनेको राजनीतिलाई...

ad
x