धनुषा-३ को विषयलाई लिएर लोकतान्त्रिक समाजवादी पार्टी (लोसपा)मा नयाँ ट्वीस्ट आएको छ।  

सत्ता गठबन्धनले धनुषा-३ लोसपालाई नै दिए पनि त्यहाँ दुई जनाले दावी गरेका छन्। 

निवर्तमान सांसद राजेन्द्र महतो र रौतहटबाट निर्वाचित निवर्तमान सांसद अनिल झा मध्ये कुनै एक जनालाई उक्त सीट दिइने लगभग निश्चित भएको लोसपाका एक नेताले बताए। 

'महतोजीको अहिले पनि चाहना भने सर्लाही-२ नै हो, त्यहाँका निवर्तमान सांसद महिन्द्र राय यादवलाई सर्लाही-१ पठाउन सकिन्छ,' ती नेताले भने,'अनिलजीको सीटमा नेकपा एसका माधव नेपालले पाउनुभएको हुनाले उहाँको व्यवस्थापनका लागि धनुषा-३ मा पठाउने प्रस्ताव गरिएको छ। यद्यपि त्यस विषयमा अहिले छलफल भएपनि निर्णय भने भएको छैन।'