रुपन्देहीमा ५ वटै निर्वाचन क्षेत्रको मतगणना फरक फरक ठाउँमा हुने भएको छ ।

यसअघिका निर्वाचनमा सबै निर्वाचन क्षेत्रको मतगणना जिल्ला सदरमुकाम भैरहवामा गरिँदै आएको थियो ।

निर्वाचन कार्यालय रूपन्देहीकाअनुसार क्षेत्र नम्बर–१ को मतगणना देवदह क्याम्पस शितलनगरमा हुने भएको छ । त्यसैगरी, क्षेत्र नम्बर–२ को मतगणना बुटवल उपमहानगरपालिकाको पुरानो प्रशासनिक भवनमा हुने भएको छ ।

क्षेत्र नम्बर–३ को मतगणना भने भैरहवा नमूना माध्यामिक विद्यालयमा हुने भएको छ । त्यसैगरी, क्षेत्र नम्बर–५ को मतगणना गैडहवा गाउँपालिकाको नयाँ प्रशासनिक भवनमा हुने निर्वाचन कार्यालयले बताएको छ ।

मतदानस्थलबाट मतपेटिका मतदान अधिकृतको कार्यालयमा आउनेक्रम जारी रहेको र आजै रातीबाट मतगणना शुरू गरिने निर्वाचन कार्यालयले बताएको छ । 

रूपन्देहीका सबै निर्वाचन क्षेत्रमा गरेर करिब ६६ प्रतिशत मत खसेको प्रारम्भिक आंकलन रहेको जिल्ला निर्वाचन कार्यालयका प्रमुख अयोध्या भण्डारीले जानकारी दिए ।