सम्पत्ति शुद्धीकरण अनुसन्धान विभागले लागुऔषध (खैरो हेरोइन)को कारोबारमा संलग्न रहेको आरोपमा एक जनाविरुद्ध मुद्दा दायर गरेको छ ।

विभागले आइतवार ४० लाख ७ हजार २०८ रुपैयाँ बिगो कायम गर्दै मनीष भन्ने दुर्गासी तामाङसहितलाई प्रतिवादी बनाएर मुद्दा दर्ता गराएको हो ।

विभागले उनको खाताबाट २७ लाख १७ हजार ५८ रुपैयाँ जफतसमेत गरेको छ ।

तामाङले लागूऔषधको ओसारपसार र बिक्री वितरण गरी अवैध सम्पत्ति आर्जन गरेर बैंकमा जम्मा गराएको विभागको दाबी छ ।