टी–२० मा छिटो विकेटको शतक पूरा गर्ने दोस्रो खेलाडी बने सन्दीप

नेपालका बलर सन्दीप लामिछाने टी–२० क्रिकेटमा शतक विकेट पूरा गर्ने दोस्रो खेलाडी बनेका छन् । 

टी–२० क्रिकेट विश्वकपअन्तर्गत बंगलादेशविरुद्ध साेमबार भएको खेलमा २ विकेट लिएपछि सन्दीपले सो सफलता हासिल गरेका हुन् ।

टी–२० मा सबैभन्दा छिटो विकेटको शतक बनाउने कीर्तिमान अफगानिस्तानमा राशिद खानको नाममा छ । उनले ५३ खेलमा १०० विकेट पूरा गरेका थिए ।

लेग स्पिनर सन्दीपले ५४ खेलमा विकेटको शतक पूरा गरेका हुन् ।