कात्तिक १८, २०८०
गएराति गएको भूकम्पले सबैभन्दा बढी जाजरकोटको नलगाड क्षेत्रमा क्षति गरेको छ । नलगाड नगरपालिकामा मात्रै तीन दर्जन बढीको ज्यान गएको जिल्ला प्रशासन कार्यालय जाजरकोटले जनाएको छ । अझै यकिन विवरण आउन बाँकी छ । ...
काठमाडाैं | असार १३, २०८१
राजस्व अनुसन्धान विभागले यतिबेला राजस्व चुहावटका घटनामा निकै कडाइका साथ अनुसन्धान गरिरहेको छ ।
विभागको 'केस म्यानेजमेन्ट इन्फरमेसन सिस्टम' (सीएमआईएस) मा रहेका ३ हजारभन्दा बढी सक्रिय उजुरीमध्ये अधिकांशको छानबिन चलिरहेको तथा केही निष्कर्षमा पुगेको विभागले जनाएको छ ।
गत वैशाख २४ गते राजस्व अनुसन्धान विभागमा महानिर्देशकका रूपमा चक्रबहादुर बुढा आएका थिए । उनी आएपछि राजस्व चुहावटमा कडाइ हुन थालेको हो ।
अहिले विभागको १० वटै शाखामा अनुसन्धान अधिकारी तोकेर अनुसन्धान अगाडि बढाइएको छ । पुराना फाइलहरू खुल्ने क्रममा छन् भने चलिरहेको अनुसन्धान फास्ट ट्रयाकमा गर्न महानिर्देशक बुढाले निर्देशन दिएका छन् ।
विभागका अनुसार अहिले विदेशी विनिमयसँग सम्बन्धित कारोबार, सुन र भन्सारबाट छुटेका गाडीका सम्बन्धमा अनुसन्धान केन्द्रित गरिएको छ ।
अनुसन्धानका लागि महानिर्देशक बुढा आफैंले प्रारम्भिक पहल लिन थालेका छन् भने अनुसन्धानका क्रममा आइपर्ने व्यवधानलाई सहजीकरण गर्न समेत उनी सक्रिय रूपमा लाग्ने गरेको कर्मचारीहरू बताउँछन् ।
विभागले राजस्व चुहावट नियन्त्रणका लागि प्रचारप्रसार र गोष्ठीसँगै अनुगमन तथा कानून पालना गराउने काम गर्छ ।
कानून पालना नभएको क्षेत्रमा अनुसन्धान गर्ने र त्यसका आधारमा मुद्दा दायर गर्ने काम पनि गर्छ ।
'राजस्व चुहावटको जोखिमयुक्त क्षेत्र पहिचान गर्ने, त्यसको अनुसन्धान गर्ने र अनुसन्धानका आधारमा मुद्दा दायर गर्ने काम हामी गर्छौं,' एक अनुसन्धान अधिकारीले भने ।
उनका अनुसार अहिले अनुसन्धानको काम छिटोछिटो चलिरहेको छ ।
राजस्व छली र चुहावटका घटना बढेको तथ्यहरू आइरहेका बेला विभागले दिनकै लाखौं जरिवाना असुल गरिरहेको छ ।
विभागका अनुसार भन्सारबाट आएका गाडीहरूले कर छली गरेको सूचनाका आधारमा चलेको कारबाहीमा वैशाख २४ गतेयता लगभग ६ करोडभन्दा बढी जरिवाना संकलन भएको छ ।
वैशाख २४ गते ३५ लाख, २५ गते २० लाख, २६ गते ४८ लाख, ३० गते ३२ लाख, ३१ गते ४९ लाख जरिवाना संकलन भएको थियो ।
त्यस्तै, जेठ महिनामा पनि विभागले भन्सार छली या कम बिजक जारी भएर आएका गाडीबाट ३ करोडभन्दा बढी जरिवाना संकलन गरेको छ ।
यसरी ठूलो मात्रामा जरिवाना संकलन गर्ने काम विगतमा नभएको विभागका एक अनुसन्धान अधिकारीले बताए ।
'चक्र सरको निर्देशन र उहाँकै प्रत्यक्ष सहभागिताका कारण अनुसन्धान प्रभावकारी भएको छ, जरिवाना बढी संकलन भएको छ,' ती अधिकारीले लोकान्तरसँग भने ।
विभागले यतिबेला सबैभन्दा बढी भन्सार छलीसँग सम्बन्धित विषयमा अनुसन्धान गरिरहेको छ ।
'भन्सारसँग सम्बन्धित विषय सही ढंगले हल हुने हो भने राजस्व अनुसन्धानको काम ६० प्रतिशतले कम हुन्छ । दुर्भाग्यवश सबैभन्दा बढी राजस्व छली भन्सार नाकामै हुन्छ र हामीले अहिले त्यतैतिर अनुसन्धान सोझ्याएका छौं,' ती अनुसन्धान अधिकारीले थपे ।
विभागमा नयाँ नेतृत्व आएपछि निजी क्षेत्रले पनि सन्तुष्टि व्यक्त गरेको छ ।
नेपाल उद्योग वाणिज्य महासंघ(FNCCI)ले गत जेठ २३ गते आयोजना गरेको कार्यक्रममा पनि राजस्व अनुसन्धान विभागले नयाँ नेतृत्व पाएकोमा FNCCI का अधिकांश बोर्ड सदस्यले खुसी व्यक्त गरेका थिए ।
उक्त कार्यक्रममा राजस्वसम्बद्ध ४ महानिर्देशकलाई बोलाइएको थियो । सबैबीच भएको अन्तरक्रिया राम्रो भएको र निजी क्षेत्रलाई विश्वासमा लिएर अघि बढ्ने प्रतिबद्धता आएको अध्यक्ष चन्द्र ढकालले बताएका थिए ।
उक्त कार्यक्रममा नेपाल राष्ट्र बैंकका निर्देशक एवं सम्पत्ति शुद्धीकरण अनुसन्धान विज्ञ हरि नेपालले सम्पत्ति अभिलेखीकरणको मोडालिटीबारे थप छलफल आवश्यक रहेको र यसका लागि राजस्व अनुसन्धान विभागसँगै करसँग सम्बन्धित सबै विभागहरूले अन्तरआबद्धता कायम गरी काम गर्नुपर्ने बताएका थिए ।
सोही कार्यक्रममा राजस्व अनुसन्धान विभागका महानिर्देशक बुढाले राजस्व अनुसन्धानले निजी क्षेत्रसँगको सहकार्यमा काम गर्न चाहेको बताएका थिए । कतिपय अवस्थामा जनशक्ति कम भएकाले अनुसन्धानको प्रभावकारितामा असर पनि पर्ने गरेको छ ।
महानिर्देशक बुढा भन्छन्, 'म यहाँ आइसकेपछि डेढ महिनाभित्र ७ भन्दा बढी मुद्दा दायर गरिएको छ । करोडौं बिगो दाबी गरिएको छ । जनशक्ति कम भएपनि हामीले कामको प्रभावकारितालाई उच्च राख्न सफल भएका छौं ।'
बुढाले आफू विभागमा आइसकेपछि बिचौलियाका लागि ढोका बन्द गरेको दाबी गरे ।
उनले भने, 'हामीसँग गुनासो गर्न आउनेलाई स्वागत गर्छौं, उहाँहरूको समस्या समाधानका लागि हदैसम्मको प्रयास गर्छौं । अनि सूचना दिन आउनेहरू पनि हाम्रा एसेट हुन् । तर, बिचौलियाका लागि भने मैले यस कार्यालयमा ढोका बन्द गरिदिएको छु ।'
विभागको केन्द्रीय कार्यालयमा ६५ जना, विभागमातहत रहेका क्षेत्रीय कार्यालयहरू इटहरिमा १८ जना, पथलैयामा २१ जना, बुटवलमा २२ जना र कोहलपुरमा १९ जना गरी कुल १४५ जना निजामती कर्मचारी कार्यरत छन् ।
राजस्व प्रहरीका रूपमा १५० जना सशस्त्र प्रहरी पनि परिचालित छन् ।
संघीय सरकार, प्रदेश सरकार र स्थानीय सरकारले संकलन गर्ने कर तथा गैरकर राजस्व चुहावट नियन्त्रण गर्ने, विदेशी विनिमय अपचलनको अनुसन्धान तथा तहकिकात गर्ने र मुद्दा चलाउने विभागको प्रमुख काम हो ।
विस्तृत छानिबनमा गइसकेपछि बढीमा ६ महिनाभित्रमा अनुसन्धान सक्नुपर्ने कानूनी प्रावधान छ । ६ महिनाभित्रमा पनि अनुसन्धान सम्पन्न भएन भने महानिर्देशकले एकपटकका लागि बढीमा ३ महिना म्याद थप्न सक्ने व्यवस्था छ ।
विस्तृत अनुसन्धानका लागि अनुसन्धान अधिकारी तोकिएको ६ महिना र महानिर्देशकले थपेको ३ महिनासमेत गरेर बढीमा ९ महिनामा जसरी पनि अनुसन्धान सम्पन्न गरेर अदालतमा मुद्दा दायर भइसक्नुपर्ने हुन्छ ।
२०३४ सालमा अर्थ मन्त्रालयमा राजस्व अनुसन्धान महाशाखाको स्थापना भएको थियो । २०५० सालमा अर्थ मन्त्रालयअन्तर्गत राजस्व अनुसन्धान विभागको स्थापना भएको थियो । पछि २०७४ फागुन १३ गतेको मन्त्रिपरिषदको निर्णयबाट विभाग प्रधानमन्त्री तथा मन्त्रिपरिषद कार्यालय मातहत आएको हो ।
राजस्व चुहावट (अनुसन्धान तथा नियन्त्रण)पहिलो संशोधन, २०७६, राजस्व चुहावट नियमावली २०७०, विदेशी विनिमय (नियमित गर्ने)ऐन, २०१९, विदेशी विनिमय (नियमित गर्ने) नियमहरू, २०२० को आधारमा विभागले अनुसन्धान गर्छ ।
त्यसैगरी, राजस्व संकलनसँग सम्बन्धित ऐनहरू भन्सार ऐन २०६४, अन्तःशुल्क ऐन २०५८, मूल्य अभिवृद्धि कर ऐन २०५२, आयकर ऐन २०५८ लाई टेकेर पनि विभागले अनुसन्धान गर्दै आएको छ ।
गएराति गएको भूकम्पले सबैभन्दा बढी जाजरकोटको नलगाड क्षेत्रमा क्षति गरेको छ । नलगाड नगरपालिकामा मात्रै तीन दर्जन बढीको ज्यान गएको जिल्ला प्रशासन कार्यालय जाजरकोटले जनाएको छ । अझै यकिन विवरण आउन बाँकी छ । ...
‘मोबाइल डिभाइस म्यानेजमेन्ट सिस्टम (एमडीएमएस)’ आज (सोमबार)देखि लागू हुने भएको छ । नेपाल दूरसञ्चार प्राधिकरणले पहिलो चरणमा प्रणालीमा दर्ता नभएका केही मोबाइलको नेटवर्क लक गरेर यो प्रणाली कार्यान्वयन...
जाजरकोटको रामीडाँडालाई केन्द्रबिन्दु बनाएर गएराति गएको ६.४ म्याग्निच्यूडको भूकम्पका कारण धनजनको ठूलो क्षति भएको छ । नेपाल प्रहरीले दिएको तथ्यांकअनुसार १२९ जनाको मृत्यु भइसकेको छ भने १४० जना घाइते छन् ।...
जाजरकोट भूकम्पमा ज्यान गुमाउनेमध्ये आधा बढी बालबालिका रहेका छन् । नेपाल प्रहरीले उपलब्ध गराएको तथ्याङ्क अनुसार कात्तिक १७ गते राति गएको भूकम्पबाट मृत्यु भएका १५३ मध्ये ७८ बालबालिका छन् । जाजरक...
दाङको तुलसीपुर उपमहानगरपालिका वडा नम्बर– १९ बिजौरीका २२ वर्षीय युवक प्रतीक पुनमाथि परिवारको ठूलो जिम्मेवारी थियो । दुवै मिर्गौला फेल भएर बाबा ताराप्रसाद पुनको एक वर्षअघि मृत्यु भएपछि लागेको ...
भूकम्पमा परेर रुकुम पश्चिमबाट उद्धार गरी काठमाडौं ल्याइएकी ६३ वर्षीया वृद्धा बली बुढाथोकीले आफूले नसोचेको घटना भोग्नु परेको बताएकी छिन् । उपचारका लागि त्रिवि शिक्षण अस्पताल महाराजगञ्जमा ल्याइएकी बुढाथोकीले आफू ...
जीवन आशावाद र निराशावादको बादलमा गुजुल्टिँदै आएको छ । आशा गर्नुपर्छ भन्ने पनि छन्, गर्नुहुँदैन भन्ने पनि छन् । खासगरी आध्यात्मवादी दार्शनिकहरू आशा गर्नुहुँदैन भन्छन् । भौतिकवादी दार्शनिकहरू आशावादी हुनुपर्छ भन्ने ग...
नागरिक र राज्यको असल सम्बन्ध नै सुशासनको विम्ब हो । शान्ति सुरक्षा, व्यावसायिक वातावरण र जनजीविकाका सवालमा राज्यले प्रतिफलमुखी काम गर्नुपर्ने हुन्छ । नागरिकको सन्तुष्टिबाट लोकतन्त्रको लाभांश प्राप्त भएको अनुभूति हुन...
समाजवादको आधारभूत स्तम्भका रूपमा रहेको सहकारी अभियान यतिखेर संकटमा छ । जो कोहीले ‘सहकारी’ शब्द नै उच्चारण गर्न नसक्ने अवस्था बनेको छ । सहज वातावरण हुँदा सर्वसाधारण सहकारीबाट अैँचोपैँचो, सर...