पार्टी कब्जा गर्ने कोशिस भएपछि बाध्य भएर विद्रोहः माधव नेपाल

नेकपा (एकीकृत समाजवादी) पार्टीका अध्यक्ष माधव कुमार नेपालले एमाले कब्जा गरी बद्नाम र समाप्त पार्ने कोशिस भएपछि आफूहरुले विद्रोह गरेका बताएका छन् ।
‘एकताका सबै ढोका बन्द गर्दै हाम्रै पहलमा लोकप्रिय बनेको नेपालको कम्युनिष्ट पार्टीलाई कब्जा, बद्नाम एवम् समाप्त पार्ने कोशिस भएपछि बाध्य भएर विद्रोह गर्दै हामीले नेकपा (एमाले)को पुनर्गठन गरी नयाँ पार्टी ‘नेकपा (एकीकृत समाजवादी) गठन गरेका छौं’, नेपालले शुक्रबार भने ।

 नेपाली जनताले कम्युनिष्ट पार्टी र आन्दोलन मार्फत चाहेको सँस्कृति एवम समृद्धिको लागि जनस्तरबाटसमेत सकारात्मक सहयोगको अपेक्षा नयाँ पार्टीले गरेको उनको भनाइ छ ।

हाललाई साविक एमाले केन्द्रीय कमिटीमा रहेका र विद्रोहको पक्षमा हस्ताक्षर गरेकाहरुलाई केन्द्रीय कमिटीमा राखिएको बताउँदै उनले  दल दर्ता प्रक्रिया वैधानिक रुपमा पुरा भएपछि केन्द्रीय कमिटीलाई पूर्णता दिइने  बताएका छन् ।