एमसीसीबारे गोकुल बाँस्कोटाको प्रश्न : पुष्पकमल र प्रचण्ड एउटै मान्छेको नाम हैन र भन्या ?

नेकपा एमालेका नेता तथा पूर्वमन्त्री गोकुल बाँस्कोटाले अमेरिकी सहयोगको एमसीसी सम्झौताबारे नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’माथि प्रश्न गरेका छन् ।

सामाजिक सञ्जाल ट्विटरमा लेख्दै नेता बाँस्कोटाले प्रधानमन्त्री शेरबहादुर देउवा र प्रचण्डले अमेरिकालाई लेखेको पत्र स्मरण गराएका छन् ।

बाँस्कोटाले लेखेका छन्, ‘माओवादी अध्यक्ष पुष्पकमल दाहाल र प्रम देउवाले सेप्टेम्बर ३ मा एमसीसीबारे अमेरिकालाई पठाएको संयुक्त चिठ्ठीमा गरेको वाचा–बन्धन के रहेछ ? पुष्पकमल र प्रचण्ड त एउटै मान्छेको नाम हैन र भन्या ? दुःख छ हो माओवादीका लीपपोतवाला कार्यकर्तालाई पनि !’

माओवादी कार्यकर्ताले एमसीसी सम्झौता रोक्न प्रचण्डले भूमिका खेलेको प्रचार गरिरहेका बेला बाँस्कोटाले उनीमाथि नै प्रश्न गरेका छन् ।