नागरिकता विधेयक प्रमाणीकरणका लागि परमादेशको माग गर्दै दायर भएको रिट निवेदनमा सर्वोच्च अदालतले कारण देखाउ आदेश जारी गरेको छ । 

सर्वोच्च अदालतका न्यायाधीश हरिप्रसाद फुँयालको इजलासले आइतवार रिटमाथि सुनुवाइ गर्दै उक्त आदेश गरेको हो ।

अधिवक्ता सुनिलरञ्जन सिंह, सागर बराल, सुनिलकुमार यादवसहितका रिट निवेदकहरूले ५ वटा रिट निवेदन दर्ता गराएका थिए ।

रिट निवेदनमा संसद्को दुवै सदनबाट पारित भएर प्रमाणीकरणका लागि पठाइएको विधेयक प्रमाणीकरण नहुनु संविधानविपरीत रहेको भन्दै राष्ट्रपति कार्यालयसहितलाई विपक्षी बनाइएको छ ।